Zbuloni “gjuhën e dashurisë” të nxënësve tuaj

Kontakt me sy shoqëruar nga një buzëqeshje. Lidhjet patjetër vijnë përmes kontaktit me sy. Ky kontakt dërgon mesazhin e pranimit dhe dashurisë, ose mosmiratimit dhe refuzimit. Mendoni për buzëqeshjet e rastësishme që merrni nga ata që doni. Ju krijohet një ndjenjë e ngrohtë dhe e sigurtë. E njejta gjë ndodh edhe me nxënësit tuaj.

Zgjidhni fjalë pozitive. Si edukatorë, ju me siguri e dini ndryshimin midis nxënësve që thonë "Po, mësues" me një ton të dashur dhe "Po, mësues" me një ton frike dhe pasigurie. Bëni kujdes me fjalët që përzgjidhni. Gjithashtu toni i zërit duhet të jetë i mirëmenduar. Edhe një "Mirëmëngjes Toni, si ia kalove mbrëmë?" me tonin e duhur mund të krijojë atmosferën e mirësisë dhe dashurisë që kërkoni në klasën tuaj.

Bëni pyetje. Imagjinoni sikur ju gjendeni vetëm në një ambient me një person që nuk e njihni. Si do të ndiheshit? Sigurisht që komunikimi juaj do të ishte shumë i ngurtë. Bëjini nxënësve pyetje në lidhje me hobet e tyre, ushqimet e preferuara, librat, motrat, vëllezërit, etj. Nëse e ndjeni të nevojshme, mbani një ditar me përgjigjet që ju kanë dhënë në mënyrë që të mund të reflektoni më vonë.

Jini i pranishëm. Si edukatorë, një nga sfidat më të vështira është të jesh i pranishëm për secilin fëmijë. Ndonjëherë duhet menduar për 100 gjëra njëkohësisht. Prezenca është dhurata më e bukur që mund t’i jepni nxënësit tuaj.

Krijimi i një rutine të veçantë. Lidhjet amplifikohen përmes tre elementëve kryesorë: kontakti me sy, prekja fizike dhe argëtimi. Meqenëse të përqafosh çdo nxënës është e pamundur shfrytëzoni lidhjet e tjera.

Gjeni "Gjuhën e Dashurisë" të nxënësit tuaj . Pesë gjuhët e dashurisë së fëmijëve janë: prekja fizike, fjalët e pohimit, koha cilësore, dhuratat dhe aktet e shërbimit. Nxënësit kanë nevoja spcifike, ndaj njihuni me gjuhën e secilit.

Duajini ata. A mund të gjeni diçka që ju pëlqen ose vlerësoni tek secili nxënës? Secili fëmijë meriton të duhet, pavarësisht se puna me të mund të jetë e vështirë.

Përktheu P.Shtini

Burimi: https://www.weheartedu.com/7-ways-to-show-your-students-love/