Ushtrime mbi disa elementë të përmbajtjes së dokumenteve kurrikulare të arsimit parashkollor

Autori Dr. Bajram Salianji vjen me një material të ri, që lidhet me kurrikulën e arsimit parashkollor. Sipas autorit, trajtimi i përmbajtjeve të disa elementeve përmbajtsorë të kurrikulës së arsimit parashkollor ndikon në formimin profesional të edukatorëve të kopshteve. Nëpërmjet këtij materiali synohet t`u vihet në ndihmë mësueseve të kopshtit, për njohjen e dokumenteve bazë të kurrikulës në funksion të rritjes së cilësisë të të nxënit të fëmijëve të kopshtit apo grupit me të cilët punojnë.

Ai e vë theksin tek dy dokumente të reja për arsimin bashkëkohor që vitet e fundit janë bërë pjesë e kurrikulës së re të këtij niveli të arsimit që janë: Kurrikula e Arsimit Parashkollor, si dhe Standardet e zhvillimit dhe të nxënit të fëmijëve 3-6 vjeç.

Për këtë ai ndalet, në disa pjesë të veçanta të këtyre dokumenteve, duke shkruar kompetencat që do të zhvillojnë mësueset nëpërmjet arritjeve të rezultateve të të nxënit. Për arritjen e këtyre rezultateve, secili nga dokumentet e shkruara më poshtë (në materialin në PDF), është ndarë në tema dhe për secilin modul jepen referencat.

Secili nga këto module përmban kompetencat e synuara, një seri testesh për vetëkontroll dhe vetëvlerësim. Kjo është arsyeja, që autori nuk jep përgjigjet e testeve.

Kjo procedure, sipas autorit realizon një kërkesë thelbësore që lidhet me situatat e të nxënit si një mekanizëm themelor mbi të nxënit e sotëm bashkëkohor. Lidhur me këtë të fundit, autori shprehet më qartë në hyrjen e këtij materiali.

Për t`u ardhur në ndihmë mësueseve, u janë paraqitur skema të cilat mund t`i përdorin si pjesë të analizës për të tërhequr vëmendjen në elementët që autori mendon se janë gjetje thelbësore për asimilimin e përmbajtës të këtyre dokumenteve. Në këtë material, jepen një seri testesh që lidhen me përvetësimin e ligjit për arsimin parauniversitar, kurrikulën bërthamë për klasën përgatitore dhe klasën e pestë.

Në sensin praktik autori shprehet edhe për një përdorim më të gjerë të aktorëve që janë pranë arsimit, në kuptimin e kopshteve dhe shkollave ku nxënë fëmijët e komunitetit të tyre. Kjo ide e fundit shprehet në paragrafin që pason

Materiali u shërbehet:

-Mësueseve që do t`u nënshtrohen provimeve

-Formimit të përditshëm profesional

-Prindërve për t`u dhënë ndihmë të kualifikuar fëmijëve

-Studentëve të fakulteteve të mësuesisë

-Trajnerëve të mësueseve të arsimit parashkollor