Aktualitet

Pas grevës disa javore, nis viti i ri shkollor në Kosovë

Shkollat në Kosovë hapën dyert këtë të hënë me një muaj vonesë, për shkak të grevës disa javore të sindikalistëve. Ata kishin vendosur që të pezullonin mësimin deri në janar të vitit të ardhshëm, por pas ndërprerjes. I bënë thirrje qeverisë që këto muaj ti shfrytëzojë për dialog me sindikalistët.

Ka nisur sot viti i ri shkollor në Kosovë, pasi tashmë ka përfunduar greva disa javore. Fillimi i mësimit ka ndodhur me një vonesë prej pesë javësh.


Greva në arsim dhe në administratën publike, në nivelin lokal dhe qendror, ka nisur më 25 gusht të këtij viti.


Greva është pezulluar pas votimit të anëtarësive të sindikalistëve. Sindikalistët kanë mbajtur grevën me kërkesë kyçe për ndarje të 100 eurove për punëtorë, për çdo muaj, deri në hyrjen në fuqi të Ligjit për paga.


Qeveria, në anën tjetër, ka publikuar një pako për ndihmë – për shkak të rritjes së inflacionit – dhe në të janë ndarë edhe nga 50 euro për të gjithë punëtorët e sektorit publik.




© Portali Shkollor- Të gjitha të drejtat e rezervuara. Ndalohet kopjimi pa lejen tonë.

893 Lexime
2 vjet më parë