Panairi Veror i Librit në Green Coast Palasë nga data 1 deri më 4 gusht, ALBAS sjellë një gamë titujsh të përzgjedhur

Gjatë kohës së pushimeve lexuesit mund ta shijojnë më shumë leximin e librave. Por nëse nuk e keni përzgjedhur ende librin e duhur për ta lexuar buzë detit, Panairi i Librit që do të organizohet në pedonalen e Resortit Green Coast në Palasë jua jep këtë mundësi. 

Nga data 1 deri më 4 gusht nëpërmjet këtij panairi, Albas do të sjellë titujt më të përzgjedhur në një panair ndryshe dhe të organizuar ashtu siç i shkon përshtat një sezoni veror, duke ekspozuar jo vetëm botimet e saj por edhe tituj të njohur të shtëpive të tjera botuese. 

Në stendën e panairit lexuesit kanë mundësinë të zgjedhin mes një game të gjerë botimesh dhe autorësh vendas e të huaj dedikuar të gjitha moshave me një vëmendje të veçantë për lexuesit e vegjël.

Duket se ky event po kthehet në një traditë në Green Coast për të qenë më pranë lexuesve. Gjatë stinës së verës, interesi për librin po rritet gjithnjë e më shumë, kjo ndoshta edhe për faktin se njerëzit kanë më shumë kohë të lirë për t’ju përkushtuar leximit gjatë pushimeve buzë detit.

Nxitoni të tërhiqni, librin tuaj të preferuar!

© Portali Shkollor - Të gjitha të drejtat e rezervuara. Ndalohet kopjimi pa lejen tonë.