Kualifikimi i mësuesve 2025/ Afati i dorëzimit të dosjeve, kriteret, dhe programet orientuese

MAS ka përcaktuar afatet për kualifikimin e mësuesve në vitin shkollor 2024-2025. Mësuesit me 3-5 vite përvojë aplikojnë për kategorinë "Mësues i Kualifikuar", me 8-10 vite për "Mësues Specialist", dhe 15-20 vite për "Mësues Mjeshtër". Afati i fundit për dorëzimin e dosjeve profesionale është data 7 shkurt.

Ministria e Arsimit dhe Sportit ka publikuar një udhëzim të rëndësishëm lidhur me procesin e kualifikimit të mësuesve për vitin shkollor 2024-2025. Ky udhëzim përcakton afatet dhe procedurat që duhet të ndjekin mësuesit dhe institucionet arsimore për të siguruar një proces të rregullt dhe efikas.

Sipas dokumentit, mësuesit që dëshirojnë të aplikojnë për kualifikim duhet të dorëzojnë dosjet e tyre profesionale brenda datës 7 shkurt 2025. Ky afat është vendimtar për të garantuar shqyrtimin dhe vlerësimin në kohë të aplikimeve.

Përveç kësaj, udhëzimi përfshin edhe një sërë afatesh të tjera të rëndësishme:

30 janar 2025: Drejtoritë Rajonale të Arsimit Parauniversitar dhe Zyrat Vendore të Arsimit Parauniversitar duhet të vënë në dispozicion të mësuesve programet e kualifikimit.
27 janar 2025: Afati i fundit për mësuesit që të aplikojnë në Sistemin e Menaxhimit të Informacionit të Personelit (SMIP), duke plotësuar të gjitha rubrikat e kërkuara.
31 janar 2025: Zyrat Vendore të Arsimit Parauniversitar duhet të shqyrtojnë dhe miratojnë kërkesat e paraqitura në SMIP dhe ato të mësuesve të arsimit parashkollor për pjesëmarrje në procesin e kualifikimit.
21 shkurt 2025: Komisioni i Vlerësimit të Dosjeve (KVD) duhet të përfundojë vlerësimin me pikë të dokumenteve të dosjeve profesionale.
28 shkurt 2025: Publikimi i listës përfundimtare të mësuesve që do të marrin pjesë në provimet e kualifikimit, duke u mundësuar atyre të kontrollojnë të dhënat dhe vlerësimet e dosjeve të tyre.

PROGRAMET ORIENTUESE I GJENI DUKE KLIKUAR KËTU

UDHËZIMI I PLOTË PËR KUALIFIKIMIN E MËSUESVE 2024-2025:

UDHËZIM Nr. 17, datë 22.7.2024 PËR KRITERET DHE PROCEDURAT E KUALIFIKIMIT TË PUNONJËSVE ARSIMORË: