Emërtimet e gabuara nëpër rrugët tona

Teksa ecim rrugëve të qyteteve tona hasim plot e përplot dyqane, biznese private, zyra me tabela emërtimi të shkruara gabim, si: “Noterizojmë dokumenta”, “Vegla dhe instrumenta”, “Shesim kompjutera”, “Mobileri”, “Kopësht, “Paisje hidro-sanitare” etj.

SË PARI, duhet të dimë se emrat e gjinisë mashkullore që mbarojnë me bashkëtingëlloret -t dhe -d (ndër ta përgjithësisht emrat me -ant, -at, -ent, -id, -ont) e që nuk janë frymorë, e formojnë shumësin me -e dhe jo me -a. Atëherë kemi:  instrumente, argumente, kube, dokumente, diamante, horizonte, elemente etj., dhe është gabim formimi i shumësit të tyre me -a (pra: dokumenta, instrumenta, kuba, argumenta etj.) 

SË DYTI:  Emrat e gjinisë mashkullore që shënojnë ose jo frymorë dhe që dalin me fundoret -er, or, -af, -al,  -ap, -ec, -eç, -ek, -el, -en, -et, -ic, -ik, -il, -in etj., e formojnë shumësin me -ë dhe jo me a. Atëherë kemi: shoferë, studentë, shitës, kompjuterë, inxhinierë, oficerë, traktorë, civilë dhe jo: shofera, studenta, traktora, kompjutera, shitësa, oficera, inxhiniera, civila etj. 

SË TRETI: fjalët “paisje”, “mobileri”, “mobilje”, “kopësht”, “bojra” etj., shkruhen saktë: pajisje, bojëra, mobilieri, mobilie, kopsht, këpucari etj.

(Përgatiti: Sevi (Lami) Agolli, Portali Shkollor)