Studentët përdorin teknologji të sofistikuar për të kopjuar

Universiteti Rangsit në Tajlandë ka zbuluar se një grup studentësh të mjekësisë përdornin pajisje të sofistikuara teknologjike për të kopjuar gjatë provimeve. Dyshimet se diçka e pazakontë po ndodh në mesin e studentëve lindën pasi autoritetet e universitetit vunë re se disa studentë mbanin syze me madhësi më të madhe se zakonisht.

Pas një investigimi të bërë në ambientet e universitetit u kuptua se studentët kopjonin përmes kamerave të fshehura në xhamat e syzeve dhe orëve të mençura. Sipas mediave dy studentë janë paguar 170 dollarë që të hyjnë në provim dhe t’i fotografojnë pyetjet e provimit, të cilat më pas janë përpunuar dhe janë shpërndarë në mesin e 5 studentëve përmes orëve të mençura.

“Dy studentët e paguar u përgjigjen në të gjitha pyetjet, pastaj iu dërgonin mesazhe studentëve të departamentit të mjekësisë, atyre që kishin paguar. Përgjigjet e gatshme dërgoheshin përmes orës së dorës”, tha Naret Pantarathorn, Zv/drejtor në Universitetin “Rangsit”.

Studentët e dyshuar në aferën e kopjimit janë pezulluar nga provimi dhe nuk kanë të drejtë të rihyjnë në provim.