Ja fenomenet që shkenca nuk i shpjegon dot

Shkenca ka evoluar duke iu dhënë shpjegim shumë fenomeneve, duke zbulua ilaçe të cilat shërojnë sëmundje që më parë ishin të pashpjegueshme... por  megjithatë ka disa fenomene të cilave shkenca nuk ka mundur ende t’u japë shpjegime. Shkencëtarët nuk janë dorëzuar, ata vijojnë t’i studiojnë këto fenomene, por mungesa e provave ua ka vështirësuar punën.

Zhurma në Taos

Disa banorë dhe vizitorët në qytetin e vogël të Taos, Nju Meksiko, janë të mërzitur dhe të hutuar prej vitesh nga një zhurmë misterioze e frekuencave në ajër. Kaq e çuditshme, sa vetëm rreth 2 për qind e banorëve të Taos raportojnë se kanë dëgjuar zërin. Disa besojnë se është shkaktuar nga ndonjë akustikë e pazakontë. Askush nuk ka qenë në gjendje për të gjetur realisht çfarë zhurme është.

Këmbëmëdhenjtë

Për dekada me radhë, kafshë të mëdha leshatore herë pas here janë raportuar se janë parë nga dëshmitarët okularë në të gjithë Amerikën. Pavarësisht nga mijëra këmbëmëdhenj që duhet të ekzistojnë, ende nuk është gjetur asgjë konkrete. Në mungesë të provave si dhëmbët apo kockat, raportimet vijnë vetëm nga rrëfimet e dëshmitarëve dhe fotot paqarta. Megjithatë shkenca nuk do të jetë në gjendje të provojë se krijesa si këmbëmëdhenjtë apo përbindëshi i liqenit Loch Ness në Skoci nuk ekzistojnë.

Intuita

Nëse ne e quajmë “shqisë e gjashtë”, apo diçka tjetër, të gjithë e kemi vënë të paktën një herë në jetë intuitën në punë. Sigurisht, që në të shumtën e rasteve intuitat e nxituara janë shpesh të gabuara, por ato janë të drejta gjithashtu. Psikologët vërejnë se njerëzit në subkoshiencë marrin informacione në lidhje me botën rreth tyre, do me thënë marrim informacione pa e ditur saktësisht se si dhe pse ne e dimë atë. Por, rastet e intuitës janë të vështira për të provuar apo studiuar dhe psikologjia mund të jetë vetëm një pjesë e përgjigjes.

Zhdukjet misterioze

Njerëzit zhduken për arsye të ndryshme. Shumica kanë ikur nga shtëpitë, disa janë rrëmbyer apo vrarë, por shumica janë gjetur në fund. Por disa njerëz duket se janë zhdukur pa lënë gjurmë. Kur personat e humbur janë gjetur, ka të bëjë gjithmonë me punën e policisë. Por kur provat mungojnë, edhe policia dhe shkenca mjeko-ligjore nuk mund gjithmonë të zgjidhë krimin.

Fantazmat

Nga vepra e Shakespeare “Makbethi” tek emisioni i NBC “Medium”, shpirtrat e të vdekurve e kanë bërë prej kohësh një dalje në kulturën dhe folklorin tonë. Shumë njerëz kanë raportuar se kanë parë hijet e dy personave. Edhe pse prova përfundimtare për ekzistencën e fantazmave mbetet e diskutueshme, dëshmitarë të sinqertë vazhdojnë të raportojnë se kanë parë, fotografuar, dhe madje edhe kanë komunikuar me fantazmat. Hetuesit e fantazmave shpresojnë që një ditë të provojnë se të vdekurit mund të kontaktojnë me të gjallët, duke siguruar një përgjigje përfundimtare ndaj misterit.

Deja vu

Deja vu është një shprehje franceze kuptimi i së cilës është “e kam parë një herë” duke iu referuar ndjenjave të mistershme që kanë përjetuar një grup i veçantë të rrethanave të caktuara që kanë ndodhur më parë. Një grua mund të ecë në një ndërtesë, për shembull, në një vend të huaj ku ajo kurrë nuk e ka vizituar, dhe t’i duket sikur ka qenë më parë aty. Psikologjia e njeriut mund të ofrojë shpjegime më natyraliste, por në fund të fundit shkaku dhe natyra e vetë fenomenit mbetet një mister.

UFO-t

Nuk ka dyshim se UFO-t (objektet fluturuese të paidentifikuara) ekzistojnë - shumë njerëz shohin gjëra në qiell që nuk mund t’i identifikojnë, duke filluar nga avionët deri tek meteorët. Nëse janë apo jo ndonjë prej këtyre objekteve anije alienësh është një çështje tjetër që ngjall diskutim. Megjithatë, ndërkohë që hetimet vazhdojnë, disa incidente të UFO-ve gjithmonë do të mbeten te pashpjeguara.

Përvojat pranë-vdekjes dhe jeta pas vdekjes

Njerëzit të cilët dikur ishin pranë vdekjes kanë raportuar disa herë përvoja të ndryshme mistike, të tilla si duke shkuar në një tunel dhe me një dritë në fund, duke u bashkuar me të dashurit, një ndjenjë paqeje, etj. Në këtë mënyrë ata sugjerojnë një ekzistencë përtej varrit. Por askush nuk është kthyer me prova apo informacione të vërtetueshme nga “përtej varrit”. Skeptikët sugjerojnë se përvojat janë të shpjegueshme si halucinacione natyrore dhe të parashikueshme në një tru të traumatizuar, por nuk ka asnjë mënyrë për të ditur me siguri se çfarë i shkakton përvojat pranë-vdekjes.

Fuqitë psikike

Fuqitë psikike renditen në mesin e dhjetë fenomeneve të pashpjegueshme. Shumë njerëz besojnë se intuita është një formë e fuqisë psikike, një mënyrë për të hyrë në njohuri misterioze për botën apo të ardhmen. Hulumtuesit kanë testuar njerëz që pretendojnë të kenë fuqitë psikike, ndonëse rezultatet nën kushtet e kontrolluara shkencore deri më tani kanë qenë negative ose të paqarta. Disa kanë argumentuar se fuqitë psikike nuk mund të testohen, ose për disa arsye zvogëlohen në prani të skeptikëve apo shkencëtarëve. Nëse kjo është e vërtetë, shkenca nuk do të jetë në gjendje të provojë apo të hedhë poshtë ekzistencën e fuqive psikike.

Lidhja trup-mendje

Shkenca mjekësore është vetëm fillimi për të kuptuar mënyrat në të cilat mendja ndikon tek trupi. Për shembull, nëse njerëzit kanë besim se kurat do të jenë efektive, kjo mund të përmirësojë shëndetin e tyre. Që do të thotë, mendimi luan rol të madh në procesin fizik të njeriut. Aftësitë e trupit për t’u vetë shëruar janë të mahnitshme. 

(Portali Shkollor)