Romani “Më fal” i Ida Hegazi Hoyer

Romani “Më fal” shpalos një histori dashurie mes një vajze dhe një djali, e cila në fillim duket e zakonshme dhe shumë romantike. Secila faqe e romanit befason jo vetëm lexuesin, por edhe vajzën e dashuruar në njeriun që, siç kuptohet nga ngjarjet që rrjedhin, nuk e ka njohur aspak. Mënyra se si përshkruhet rrjedha e ngjarjeve e mban lexuesin gjithë kohës në ankth. 

Edhe pse në roman flitet kryesisht për raportin mes një çifti, brenda tij trajtohen thellësisht shumë probleme shoqërore të rëndësishme, siç janë: raportet familjare, shëndeti mendor, lidhja e traumave të fëmijërisë me të ardhmen e njerëzve të rritur, pasojat e gjërave të pathëna në kohën e duhur etj. 

Secila nga këto çështjet e lartpërmendura ndihmon në ndërtimin e një rrëfimi prekës dhe që mbetet i ngulitur për një kohë të gjatë te lexuesi, i cili pa dyshim që pas leximit do të reflektojë për secilën prej tyre.

©Portali Shkollor– Të gjitha të drejtat e rezervuara. Ndalohet kopjimi pa lejen tonë.