Format e reja të organizimit të orarit mësimor varen nga specifikat dhe nevojat e shkollës, që nënkupton infrastrukturën e shkollës (kabinetet , mjediset sportive, laboratorët etj.); numrin e mësuesve (provizore dhe definitive); zhvillimin e mësimit me turne; largësinë e shkollës nga vendbanimet (kur shkolla është larg, nxënësit mbajnë për një rrugë më të gjatë ngarkesën e çantës) etj.

Ju kujtojmë se të gjitha shkollat kanë afat deri në datën 30 janar për të hartuar planet mësimore sipas nismës “Tre lëndë në gjashtë orë”. Në datën 1 shkurt të gjitha shkollat do të zhvillojnë procesin e mësimit sipas mënyrës së re të organizimit.

Më poshtë janë paraqitur disa modele të organizimit të orarit të shprehura në dy variante. Në variantin e parë është paraqitur një model orari i organizuar sipas një jave mësim, ndërsa në variantin e dytë është paraqitur një model orari i organizuar sipas dy javëve mësimore (tek dhe çift).