Maturantët në protestë: Testi i gjuhë-letërsisë abstrakt, kërkojmë rivlerësim të tij

Qindra maturantë kanë dalë sot në protestë për pakënaqësitë e tyre ndaj provimit të Maturës Shtetërore në lëndën e Gjuhës shqipe dhe Letërsisë. 

Ata kanë bllokuar rrugën përpara Ministrisë së Arsimit, Sportit dhe Rinisë, për të apeluar kërkesat e tyre. Ata kanë thënë se teza ka qenë e vështirë dhe e ndërlikuar, ndaj ata kërkojnë  rivlerësim ose ripërsëritje të provimit. Një tjetër kërkesë e tyre është që të ulen kuotat për hyrjen në universitete. 

Kërkesat e tyre konkrete janë: 

1. Zgjerimin e kufijve të notave.

2. Nota e provimit të letërsisë të llogaritet me 40% e notës aktuale të provimit dhe 60% të notës së letërsisë së gjimnazit. 

3. Heqja e të drejtave të hartuesve të testit për  hartimin e testit të letërsisë dhe gjuhës në vitet e ardhshme.

4. Nxjerrja e çelësit të provimeve te mëtejshme brenda 2 orëve mbas mbarimit të testit.

5. Të krijohet një komisioni për rivlerësimin e pyetjeve të testeve të mëtejshme, i cili duhet të përbëhet nga mësuesit e letërsisë të gjimnazeve të Shqipërisë që kanë mbi 400 maturantë.

Ndërsa ky është peticioni i maturantëve për protestën që ata po vijojnë, drejtuar MASR, Qendrës së Shërbimeve Arsimore dhe organeve të tjera përkatëse. 

© Portali Shkollor- Të gjitha të drejtat e rezervuara. Ndalohet kopjimi pa lejen tonë.