Matematika, makth apo ëndërr e së ardhmes?

Matematika është bartësja  kryesore  e etiketës “shumë  e vështirë". Përse kaq  shumë negativitet për një lëndë shkollore, sidomos kur kjo lëndë merret me logjikën dhe arsyetimin? Si mësuesi  dhe prindërit mund të përdorin mjete të ndryshme mësimore për të bërë matematikën të duket interesante. Pyesni nxënësit tuaj: -Sa ju befason matematika? Sa ju mërzit matematika? Pas cdo triumfi, zgjidhje ushtrimi apo problemi, a nuk ndjeheni  si të ishit ju zbuluesit e parë të asaj njohurie?

Mësues, bëjini nxënësit tuaj të ndihen si  “Liza në botën e çudirave”, të mahniten pas zbulimit të botës së mrekullueshme të numrave dhe figurave! “Matematika është një lojë e bukur, mësojini rregullat dhe merni kënaqësitë e gjetjes të së panjohurës dhe të fshehtave matematikore”- këtë u them gjithmonë nxënësve të mi.  Rregullat, simbolet , konceptet janë pjesa vitale e mësimit të matematikës.

Sipas studimeve rezulton se janë disa  arsye të rëndësishme përse nxënësit dështojnë në matematikë.

1. Qëndrimi ndaj të mësuarit  të lëndës si subjekt. 

Gjithçka varet nga qëndrimi i gjithkujt ndaj subjektit në fjalë. Mendësia e nxënësit  luan një rol të rëndësishëm. Nëse një nxenes  mendon që në fillim se ai nuk do të jetë në gjendje të kryejë mirë detyrimin matematik; ushtrimin, problemin, ai do të përfundojë në zhvillimin e një fobie ndaj matematikës. Kjo nga ana tjetër do të ndikojë në aftësitë dhe performancën e tij të të mësuarit. Qëndrimi pozitiv mund të sjellë shumë ndryshime. Ajo do të veprojë si një nxitës i besimit.

2. Metoda e mësimdhënies

Idealisht, matematika duhet të mësohet në një mënyrë që është e lehtë për t'u kuptuar. Teknika duhet të jetë e tillë që studentët mund të lidhen me të edhe pas mbarimit të klasës. Nëse metoda e mësimdhënies është e duhur, nxënësit do të jenë në gjendje të shtojnë, zbresin, pjestojnë e shumëzojnë pa përdorur një makine llogaritëse. Por, jo rrallë mësuesit e matematikës mbështeten në metoda që janë të vështira për t'u kuptuar. Ata mbeten në kujtesen e nxënësit me  stilolaps dhe letër dhe kur aplikimi i saj vjen në botën jashtë klasës, fillon të lindë problemi. 

3. Mungesa e lidhjes mes subjektit dhe studentëve

Një nga shumë arsye pse nxënësit dështojnë në matematikë është fakti se ata nuk janë në gjendje të zhvillojnë një lidhje midis subjektit dhe vetes. Ata e trajtojnë këtë temë si diçka të huaj për ta, diçka që është e panjohur dhe e frikshme.  Kjo pengon aftësinë e tyre të të mësuarit.  Ata nuk mund të mbajnë një linjë lidhjeje midis klasës së mëparshme dhe asaj që janë në vazhdim.

4. Vetëdyshimi.

Presioni i shokëve është një tjetër arsye pse nxënësit dështojnë në matematikë.  Ata nuk janë në gjendje të njohin veten dhe aftësitë personale.  I vlerësojnë më të ulëta sesa të shokëve.  Pra, ky krahasim i vazhdueshëm me studentët e tjerë të mirë çon në ngritjen e vetëdyshimit. Sapo lind  vetëdyshimi, bëhet e vështirë të shërohet. Përfundimisht aftësia e studentit për të ecur mirë në matematikë është shpenguar përgjithmonë. 

5. IQ i ulët

Shumë nuk mund të pajtohen. Por, nuk mund të mos harrojmë rolin që IQ luan në mësimin e matematikës. Ky faktor është i mbyllur, sepse askush nuk dëshiron të pranojë që fëmija i tij ka IQ të ulët. Por fakti mbetet, disa fëmijë nuk kanë aftësinë për të kapur numrat aq lehtë sa të tjerët. Kështu IQ e tyre e ulët ndikon në procesin  e tyre të të nxënit.

6. Vonesa e shkurtër e vëmendjes

Disa nxënës shpërqëndrohen  lehtë.  Ata e kanë të pamundur të jenë të vëmendshëm gjatë gjithë ores  së matematikës. Për këtë kur u kërkohet të zgjidhin një problem në klasë, ata nuk janë në gjendje të reagojnë dhe bëhen qendra e shakave. Prindërit duhet të sigurohen që fëmija i tyre të rrisë interesin ndaj lëndës dhe të ketë më shumë vëmendje në klasë.

7. Mungesa e mirëkuptimit rreth shenjave dhe simboleve

Matematika ka nje mori regullash dhe simbolesh. Nese keto regulla, ligje, simbole nuk mësohen mire, nxënësi  has pengesa në përdorimin e tyre. Për një nxënës nën nivelin mesatar në matematikë, shanset për t'u  ngatërruar midis shenjave të ndryshme matematikore dhe simboleve janë mjaft të larta.

8. Raporti i nxënësit dhe  mësimdhënësve

Mesatarisht një klasë ka  25 nxënës dhe vetëm një mësues lëndor. Me shumë punë organizative mësuesi duhet të jetë në gjendje të gjykojë për përgatitjen lëndore ditore dhe aftësinë e asorbimit të materialit të ri për shumicën dërrmuese të klases brenda një ore mësimore. Vetëm pas kryerjes së testeve të klasës, mësuesi merr një ide të qartë të aftësive të gjithë nxënësve të tij.

9. Shumë mësues të matematikës nuk janë të përgatitur mirë shkencërisht për lëndën.

Kjo mund të duket si pak nga arsyeja e mospëlqimit, por nuk mund të injorohet krejtësisht. Ka shumë mësues që nuk kanë njohuri të mjaftueshme për t’ua transmetuar nxënësve. Dhe nga ana tjetër, mënyra e organizimit dhe trasmetimit është thelbesore. Jo të gjithë mësuesit mund të mësojnë mirë. Mësimi është një art. Jo të gjithë janë të përgatitur mirë në të.

Të gjitha problemet e sipërpërmendura mund të zgjidhen nëse zbulohen në kohën e duhur. Prindërit dhe mësuesit duhet të bëjnë një përpjekje të përbashkët për të përmirësuar performancën e femijës. Kjo do t'i ndihmojë ata të merren me ankthin, presionin e bashkëmoshatarëve dhe vetëdyshimin. Nxënësi vetë do të jetë në gjendje të përmirësojë gradualisht performancën e tij. Udhëzimet e duhura dhe praktika e rregullt do të kthejnë valën në favor të nxënësit.

Pra, çfarë po prisni? Nëse fëmija juaj ka frikë nga matematika, është koha të keni një diskutim serioz me të. Shikoni për faktorët e mësipërm. A vuan fëmija juaj nga ndonjë prej tyre? Përpiquni të gjeni se çfarë po shqetëson femijen dhe punoni përreth saj. Së bashku ju mund t'i ndihmoni fëmijët tuaj të kapërcejnë frikën e tyre dhe t'i bëjnë ata të sigurt për eksplorim matematikor.

(Brunilda Hoxha, mësuese e lëndës së matematikes, Gjimnazi gjuhësor  “Faik Konica”  Korçë)