Historitë e jashtëzakonshme të Maradonës, Mesit dhe Pelés - Albas sjell serinë "Legjendarët" për lexuesit e vegjël!

Me serinë e re "Legjendarët", Albas prezanton historitë e tre prej ikonave më të mëdha të futbollit, të sjella për fëmijët mbi 7 vjeç, duke përfshirë rrëfimet e Maradonës, Mesit dhe Pelés. Me një stil të lehtë për t’u lexuar dhe të vështirë për t’u harruar, librat sjellin rrugëtimin e këtyre yjeve drejt madhështisë. Librat e kësaj serie janë shkruar nga autor italianë, ndërsa në shqip janë sjellë nga përkthyesi Tobias Xhaxhiu.

Maradona, Djaloshi i Artë

Shkruar nga autorët italian: Igor de Amicis dhe Paola Luciani

Përktheu: Tobias Xhaxhiu 

Një djalosh vrapon i lumtur rrugëve të pluhurosura të periferisë së Buenos Ajresit, duke ndjekur nga pas një top lecke. Vetëm pak vite më vonë, ai do të bëhet një ndër futbollistët më të mëdhenj që ka njohur historia: Diego Armando Maradona.

Lionel Mesi, Ylli i futbollit 

Autori: Roberto Bratti

Përktheu: Tobias Xhaxhiu 

Një talent i jashtëzakonshëm, një punë e palodhur, këmbëngulje e paepur, sakrificë dhe vendosmëri e palëkundur. Historia mbresëlënëse e Lionel Mesit: nga një djalë i brishtë që nuk rritej dot, në një legjendë të futbollit që sfidoi çdo pengesë.

Pelé, Mbreti i topit

Autor: Alessandro Gatti

Përktheu: Tobias Xhaxhiu 

Një rrugëtim nga lojërat e rrugës me top lecke, deri te triumfet legjendare me fanellën numër dhjetë të Brazilit. Kjo është historia e djaloshit që kapërceu çdo kufi dhe u shndërrua në futbollistin më të madh të të gjitha kohërave.

Ky set librash është një udhëtim frymëzues për të rinjtë që ëndërrojnë të ndjekin hapat e këtyre legjendave dhe që kanë etje për të mësuar se si përkushtimi dhe talenti mund të krijojnë legjenda.

Shënim: Librat i gjeni në libraritë fizike Albas (Tiranë, Prishtinë, Tetovë, Preshevë), online www.librarialbas.al, gjithashtu shumë shpejt edhe në Panairin e Librit.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.