Dëmtime serioze në rreth 34 shkolla në Durrës, Shijak dhe Tiranë, mbërrijnë ekipe rivlerësuese nga Kosova

Tërmeti që ka goditur vendin ditën e martë ka shkaktuar dëme të mëdha edhe në institucionet arsimore. Ekipet e posaçme po vijojnë me evidentimin e dëmeve materiale dhe hartimin e planit të masave për shkollat e dëmtuara. 

Nga një informacion paraprak që Potali Shkollor ka marrë nga Ministria e Arsimit mësohet se, rreth 34 shkolla kanë pësuar dëmtime serioze. Ato i përkasin kryesisht qytetit të Durrësit, Shijakut dhe Tiranës.  

Por ditën e sotme nga Kosova do të vijnë ekipe vlerësuese inxhinierësh për të bërë rivlerësimin më të saktë të situatës. Kjo na është bërë e ditur nga zyra e shtypit të MASR. 

Në ditët në vijim do t’ju pasqyrojmë zhvillimet e tjera në këtë drejtim.

Ndërkaq mësimi është pezualluar dhe shkollat do të vijojnë pushimet për 6 ditët në vijim, duke qenë se dita e enjte dhe e premte janë pushim zyrtar për festat e nëntorit. 

(Nanila Allkja Biçaku, Portali Shkollor)