Albas, trajnim për dy module në Lushnjë

Qendra e Trajnimeve Albas ishte në Lushnje ku zhvilloi trajnim për dy module të akredituara nga Ministria e Arsimit, Sportit dhe Rinisë. Dy modulet "Përfshirja e nxënësve me aftësi të kufizuara në arsimin gjithëpërfshirës" dhe "Mësimdhënia në kurrikulat e reja" u përzgjodhën nga mësuesit për t'u ndjekur.

Gjuha e zgjedhur e trajnereve, metodat efikase dhe organizimi i detajuar i agjendës së trajnimit bënë që mësuesit të zgjidhnin Qendrën e Trajnimeve Albas për të përfituar profesionalizëm, kredite dhe më shumë ndihmë për vështirësitë që hasin gjatë punës së përditshme me nxënësit.

Moduli "Përfshirja e nxënësve me aftësi të kufizuara në arsimin gjithëpërfshirës" trajtoi çështjet:

Kuptimi mbi përfshirjen e fëmijëve me AK, këndvështrimi historik, kërkesat ligjore dhe integrimi i saj si një domosdoshmëri e sistemit të edukimit dhe fëmijëve në vështirësi për t’ia dalë;
Fëmijët me aftësi të kufizuar: llojet, vlerësimi, trajtimi, aktorët pjesëmarrës në vlerësim dhe trajtim.
Sfidat dhe dilemat në përfshirje;
Vlerësimi i nevojave të fëmijëve me AK dhe ardhja në ndihmë e këtyre nevojave me programe të dedikuara. Programet e Edukimit Individual (PEI) dhe zhvillimi i objektivave brenda klasës. Teknikat dhe shkathtësitë e mësuesve në realizimin e objektivave.

Moduli "Mësimdhënia në kurrikulat e reja" diskutoi rreth këtyre çështjeve, por jo vetëm:

Mësimdhënia dhe të nxënit bazuar në kompetenca;
Konceptimi i orës mësimore bazuar në kompetenca;
Reflektimi i metodave të mësimdhënies - nxënies ndaj programeve të hartuara mbi kompetencat e synuara nga nxënësit;
Kuptimi mbi situatën e të nxënit.
Mënyrat e përpilimit dhe paraqitjes së tyre në lëndë të ndryshme.
Roli i mësuesit/edukatorit për arritjen e rezultateve të të nxënit, të synuara në kompetenca, në lëndë të ndryshme.

Ne të dyja programet, u krijua një frymë bashkëpunuese dhe miqësore. Çdo mësues parashtroi problematikat e tij dhe përmes bashkëbisedimit shkëmbyen eksperienca të vlefshme në fushën e mësimdhënies.

Trajnuesit e dy programeve që udhëhoqën trajnimin hapën shtigje të reja komunikimi. Të gjithë mësuesit shprehën mjaft interes për shumë çështje, të cilat i takojnë procesit të mësimdhënies.