Si do të duket vërtetë shkolla pas pandemisë?

Shumë mësues dhe studentë po përfytyrojnë për një kthim në ditët normale të shkollës. Fatkeqësisht, kjo mund të mos ndodhë kurrë. Të paktën jo në mënyrën si ne po përfytyrojmë. Teksa dy të tretat e shkollave të vendeve tashmë janë të mbyllura deri në vjeshtën e ardhshme, fokusi zhvendoset tani në atë se çfarë do të duhet të ndodhë për të siguruar një kthim të sigurt në edukimin personal. Si do të duket vërtet shkolla pas pandemisë?

Logjistika e distancimit shoqëror

Ekzistojnë shumë pak ambiente në një shkollë në të cilën fëmijët e kanë të mundur të mbajnë distancën nga njëri-tjetri. Fëmijët e kopshtit luajnë në pushim, klasat e treta gjenden gjatë një pushimi rreth tavolinave, dhe ata të shkollave të mesme rrethojnë njëri-tjetrin gjatë drekës për të parë një video në YouTube.

Fatkeqësisht, shkolla pas pandemisë mund të kërkojë distancim shoqëror. Kjo do të thotë që administratorët dhe politikëbërësit do të duhet të merren me logjistikën.

Disa po shqyrtojnë rreth një kombinimi të stileve të të mësuarit. Ky “mësim i përzier” ndërton mësimin virtual që ne po përjetojmë tani me një kthim me kohë të pjesshme në klasë. Kjo mund të ndodhë në mënyra të ndryshme, duke përfshirë grupe alternative të fëmijëve në ditët "A" dhe "B" për të ndjekur mësimet, duke u ndarë në gjysmë dite, ose duke zgjatur ditën e shkollës për të akomoduar më shumë ndërrime. Ndërsa këto ide nuk janë përfundimtare, secila prej tyre do të nënkuptojë një ndryshim drastik të planifikimit të mësuesve, këshilltarëve dhe administratorëve.

Më pak fëmijë, më pak çështje?

Shkollat e Cleveland po shqyrtojnë zvogëlimin e madhësive të klasave nga 25 nxënës në klasat tipike në rreth tetë për të garantuar distancimin shoqëror që mund të ndodhë në klasa.

Për ironi, këto janë përmasat e klasave që mësuesit kanë ëndërruar. Por përfitimet e madhësive të klasave më të vogla mund të vijnë përmes arritjes së një ekuilibri midis dy tipareve të dëshirueshme, por të papajtueshme! A do të mësojmë dyfishin e periudhave të klasës, në mënyrë të njëjtë me më pak fëmijë nëpër klasa? A do të shkurtohet koha mësimore për të akomoduar këtë sistem të caktuar?

Tani për tani nuk ka ende një përgjigje. Mësuesit kanë filluar të përmirësojnë veten drejt një programi shumë të ndryshëm shkollor pas pandemisë në vjeshtë, duke kërkuar në lidhje me vendet që japin udhëzime për zhvillimin e kësaj metode. Është e mundur që madhësia e klasave më të vogla do të sjellë më shumë vëmendje për studentët saktësisht kur ata kanë nevojë .

Një respekt i rinovuar (apo urrejtje?) për mësimin në internet

Pesë deri në gjashtë javët e para të mësimit në internet studentët njësoj si mësuesit mësuan se ekzistojnë pengesa dhe të meta. Diskutimi në klasë mungonte gjatë mësimit virtual. Sidoqoftë, disa studentë qenë më të përqendruar se kurrë. Ata kanë rritur aksesin në udhëzime dhe afate të qarta, dhe janë në gjendje të menaxhojnë oraret e tyre me mbështetjen e familjeve të tyre. Pavarësisht nëse keni respekt më të madh ose më shumë përbuzje për të mësuarit në internet, shanset për ta zhvilluar sërish në të ardhmen janë të mëdha.

Michelle Person një drejtoreshë fillestare në Charles Mooney Elementary në Cleveland, OH, është e mendimit se ky është vetëm fillimi i të mësuarit virtual. “Realiteti që askush nuk dëshiron ta pranojë është se do të ketë tre valë të gripit. Kjo është vala e parë. Ka shumë të ngjarë që ne do të na kërkohet të karantinohemi përsëri diku në vjeshtë", shprehet ajo. “Mësuesit duhet të përgatiten për sfidën afatgjatë të të mësuarit virtual. Bëhuni ekspert me platformën që ka zgjedhur qarku juaj. Merrni pjesë aktive në seancat. Shikoni videot në YouTube. Pyesni fëmijët tuaj. Ne duhet të jemi në gjendje të zhvendosemi pa probleme midis udhëzimeve personale dhe atyre virtuale".

Bashkëpunimi me familjarët mund të jetë i dobishëm për mësuesit kur të rikthehemi në shkollë. Dr. Erin C.O. Barisano, mbikëqyrës i 41 shkollave katolike për Dioqezën e Portokallit në Kaliforni, thotë: "Ne do të vazhdojmë të përqendrohemi në sjelljen e mësimit të përzier në shkollat tona, ku ka integrim domethënës të teknologjisë për të krijuar diferencime dhe mësim individual për nxënësit tanë. Teknologjia na ka lejuar të ripërcaktojmë se si dhe ku zhvillohet mësimi. Partneriteti ynë me prindërit është më i rëndësishëm se kurrë kur kalojmë në territor të paeksploruar”.

Një sy i rritur për pabarazinë

Pandemia ka zbuluar pabarazitë në qasjen në arsim si kurrë më parë. Disa studentë duhet të kujdesen për vëllezërit e motrat e tyre ndërsa prindërit punojnë nga shtëpia. Disa studentë janë duke luftuar për të vazhduar më tej për shkak të qasjes së kufizuar në teknologji, konkretisht një pajisje pune dhe WiFi.

Ne jemi më të vetëdijshëm se kurrë për kufizimet e të mësuarit dhe pengesat që e ndalojnë çdo fëmijë të hyjë në mësimin e tij. Nëse kthehemi, vëmendja jonë do të përqendrohet në tejkalimin e këtyre boshllëqeve. Në të gjithë vendin, rrethet janë bërë më serioze në lidhje me sigurimin e hyrjes në internet dhe pajisjeve për studentë të të gjitha moshave, nga vendet që me të ardhura të ulëta, deri në organizimin e pajisjeve të huamarrësve për të gjithë studentët. Mësuesit mund të vazhdojnë këtë vëmendje të rivendosur te studentët në rrezik kur të kthehemi.

Një përqendrim në shëndetin mendor dhe mirëqenien emocionale

Shumica e të moshuarve u mungojnë pikat kryesore të jetës dhe shumë nxënës të klasave fillore janë të dëshpëruar për të parë shokët e tyre të klasës. Shumë mësues shqetësohen për studentët, që e kanë të pamundur ndërveprimin për shkak të kufizimeve. Këshilltarët po bëjnë çmos për t’u lidhur virtualisht me ata që janë duke luftuar me mungesën e internetit. E gjithë kjo nuk do të harrohet lehtë në vjeshtë. Ka shumë të ngjarë të ketë një rritje të nevojës së studentëve për mbështetje përmes këshilltarëve dhe profesionistëve të shëndetit mendor. Studentët mund të përpiqen të riprogramojnë konceptin e tyre të shkollës dhe të ripërtërijnë kohën e humbur me miqtë për shkak të distancës sociale. Këto sfida do të paraqesin një nevojë shtesë për kujdes social dhe emocional. Pavarësisht se si do të ndryshojë orari juaj, të gjithë ne mund të presim mjedise më të shëndetshme pune sesa ndërtesat tona parandemike. Dhe kush e di, mbase ato teste të bezdisshme të standardizuara do të zhduken gjithashtu përgjithmonë.

Përktheu: Marina Kërçeli

Burimi: https://www.weareteachers.com/post-pandemic-school/