Projekt, gjeografi VI

Projekt: Mjedisi ynë lokal – Berati

Punoi: Enkeleda Sinjari

Shkolla: “Llambi Goxhomani”

Fusha: Shoqëria dhe mjedisi

Lënda: Gjeografi

Klasa: VI

Tema: Berati mjedisi ynë lokal

Qëllimi: Njohja dhe zbulimi i mjedisit lokal të qytetit të Beratit nëpërmjet kërkimit gjeografik.

Objektivat:

• Nxitja e veprimtarive të pavarura, në grup dhe të punës krijuese;

• Edukimi i drejtpërdrejtë për dashurinë për qytetin e tij;

• Stimulimi i të menduarit kritik e krijues për zgjidhjen e problemeve reale;

• Realizimi i lidhjeve me jetën e përditshme dhe problemet që shfaqen në mjedisin lokal;

• krijimi i aftësive për punë kërkimore, për të vazhduar dhe zbuluar lidhjet shkak-pasojë, për të nxjerrë përfundime;

• Përforcimi shprehive të punës në grup, disiplinës dhe sjelljes së kulturuar;

• Realizimi i lidhjeve brenda dhe jashtëlëndore të gjeografisë.

Rezultatet e të nxënit

Nxënësi:

• Përshkruan përbërësit kryesorë të relievit, burimet ujore, botën shtazore dhe bimore, mikroklimën në zonën e Beratit

• Vëzhgon dhe sjell shembuj si kanë ndikuar këto burime në jetën e banorëve

• Diskuton mbi rrugët nëpërmjet të cilave njerëzit kanë shfrytëzuar pasuritë natyrore

• Pranon dhe respekton diversitetin natyror, shoqëror, kulturor të zonës ku banon.

• Demonstron përkujdesje dhe ndjeshmëri për burimet natyrore dhe ruajtjen e tyre.

• Vlerëson me objektivitet rezultatet e të dhënave krahasuar me ato të shokëve.

• Respekton idetë dhe përvojat e prezantuara nga të tjerët.

• Zhvillimi mjedisor dhe bashkëveprimi komunitar për mbrojtjen e tij

• Përshkruan strukturën moshore të popullsisë në zonën e Beratit

• Mbledh të dhëna statistikore për të shpjeguar lëvizjet e popullsisë së zonës në periudha të ndryshme dhe shkaqet.

• Dallon karakteristikat kryesore të vendbanimeve në qytetin e Beratit.

• Krahason mënyrën e jetesës së popullsisë në mjedisin e tij lokal me atë të popullsisë në mjedise të tjerë.

• Evidenton monumentet e trashëgimisë kulturore dhe natyrore të zonës;

• vlerat turistike që kanë monumentet e trashëgimisë kulturore dhe natyrore të zonës;

• rreziqet natyrore dhe antropogjene që kërcënojnë vlerat e trashëgimisë kulturore dhe natyrore të zonës.

• Identifikon llojet kryesore të veprimtarive prodhuese ekonomike, industriale dhe tregtare në mjedisin lokal.

• Përcakton vendndodhjen e rrugëve locale e kombëtare, të ndërtesave të qeverisjes lokale e qendrore, objektet e edukimit të nxënësve, parqe, biblioteka etj.

- Parashtron ide (me shkrim dhe me gojë) mbi ndikimin e veprimtarisë së njeriut në mjedisin natyror të zonës dhe nevojën e bashkëpunimit komunitet–qeverisje lokale për mbrojtjen e mjedisit;

• Përdor hartën topografike të qytetit/fshatit për t’u orientuar në mjedisin e tij lokal

Metodologjia: Kërkime gjeografike

Teknika: Pune ne grupe, vëzhgime në terren, hulumtim në internet, ekspozita etj.

Përfituesit: Të gjithë nxënësit e klasës së gjashtë dhe komunitetit

Temat që përfshihen:

- Pesë temat e gjeografisë

- Orientimi në natyrë

- Gjerësia dhe gjatësia gjeografike

- Hartat gjeografike

- Kapitulli: Mjedisi ynë lokal

Lidhje me fushat kurrikulare: Gjuha shqipe, Matematika, Biologjia, Historia, Qytetaria, Ed. Fizik dhe shëndetësor, TIK.

Partnerët:

Mësuesi i Biologjisë: identifikimi i saktë i botës bimore dhe shtazore të mjedisit tonë lokal

Mësuesi i Informatikës: përdorimi i programit word dhe ppt për realizimin e projektit

Prindërit e nxënësve: materiale të ndryshme që ju duhen nxënësve si: postera, foto të printuara etj.

Zhvillimi i projektit

Ora e parë e projektit

Hapi i parë

Kjo veprimtari zhvillohet me nxënësit e klasës së gjashtë

Zgjedhja e pyetjeve kryesore kërkimore

Njihen nxënësit me temën e projektit

Pyeten nxënësit:

Çfarë do të doni të dinit për qytetin tonë të Beratit, duke u bazuar në njohuritë e marra në kapitullin Mjedisi ynë lokal?

Rendit çështjet e trajtuara në kapitullin: Mjedisi ynë lokal

Pozita gjeografike dhe relievi i qytetit tonë
Hidrografia
Klima dhe gjallesat ne qytetin tonë
Popullsia
Vendbanimet
Qeverisja dhe ekonomia
Turizmi
Pasuritë natyrore-zonat e mbrojtura
Trashëgimia kulturore
Problemet mjedisore të qytetit tonë

Grupohen çështjet duke u bazuar në pesë temat e gjeografisë, të cilët nxënësit I kanë mësuar në kapitullin: Gjeografia dhe kërkimi gjeografik

Duke njohur moshën e nxënësve në realizimin e këtij projekti mësuesi i ndihmon me referenca të ndryshme, për të lehtësuar hulumtimin e tyre në Internet.

Krijohen grupet me 5 anëtarë

Zgjidhet kryetari i grupit

b. Hapi i dytë

Caktohet për çdo anëtar detyra sipas nën çështjeve:

anëtari 1: Vendi

anëtari 2: Vendndodhja

anëtari 3: lidhja e njeriut me mjedisin

anëtari 4: lëvizja

anëtari 5: rajoni

c. Hapi i tretë

Caktohet së bashku me anëtarët e grupit, mënyra dhe forma e paraqitjes së projektit: libër, poster, powerpoint etj

d. Hapi i katërt

Grupet përcaktojnë me ndihmën e mësueses detyrat në punën kërkimore për secilin anëtarë.

Hulumtojnë në internet sipas detyrës që ju është ngarkuar

Ora e dytë e projektit

Hapi i pestë

KËRKIMI GJEOGRAFIK

Nxënësit

- hulumtojnë në internet në klasën e TIK sipas referencave, librave të marra në bibliotekë

- mbledhin informacionin e nevojshëm sipas detyrave që kanë.

Pesë temat e gjeografisë	Detyrat kërkimore	Kërkim - hulumtim	Rezultatet e të nxënit
Vendi a) Karakteristika fizike b) Karakteristika kulturore c) Karakteristikat njerëzore	• Përshkruani vendin (Sipërfaqen , popullsia). • Cila është klima e qytetit tonë (temperatura, reshjet)? • Çfarë lloj karakteristikash fizike (male, lumenj,lugina, kodra)? Ngjyros dhe emërto trajtat kryesore të relievit • Përshkruani njerëzit që jetojnë këtu (traditat,besimi, qeverisja, këngët dhe vallet popullore etj.) •listo figura të shquara të qytetit të Beratit dhe jep një përshkrim të shkurtër të veprimtarisë së tyre *Veprimtari në terren* Zbulo dhe dokumento një problem real që lidhet me relievin ose klimën Rendit shkaqet dhe pasojat e dukurisë që ke zbuluar Propozo rrugët për zgjidhjen e problemit	https://sq.wikipedia.org/wiki/Berati bashkiaberat.gov.al/ https://cultureplacesblog.wordpress.com/2016/.../gjeografia-e-berati. www.uamd.edu.al/...content/.../TURIZMI-HISTORIK-NË-QARKU... https://www.reporter.al › Posts › Reportazhe “Berati në fonoteka” Parashqevi Sahtçiu	Përshkruan: • përbërësit kryesorë të relievit duke dalluar elementë të veçantë; ·burimet ujore (burime, lumenj, liqene,dete etj.); ·botën bimore dhe shtazore; ·mikroklimën në mjedisin ku jeton.
Vendndodhja a)Absolute b)relative	• Ku ndodhet qyteti i Beratit (hemisfera , kontinenti, rajoni, gjatësia dhe gjerësia gjeografike,)? • Sa larg është nga qyteti i Beratit nga Kryeqytetit i Shqipërisë (distanca në kilometra(llogaritje në hartë))? • ndërto hartën skicë të Shqipërisë duke përcaktuar vendndodhjen relative të qytetit të Beratit(rrethet me të cilat kufizohet) *Veprimtari ne terren* Përzgjidh një objekt dhe kryej orientimin sipas pikave të horizontit nëpërmjet hartës topografike	https://sq.wikipedia.org/wiki/Qarku_i_Beratit https://sq.wikipedia.org/wiki/Berati bashkiaberat.gov.al/?cat=26&paged=2 “Berati në fonoteka” Parashqevi Sahtçiu	Përdor hartën topografike të qytetit/fshatit për t’u orientuar në mjedisin e tij lokal ·Përcakton vendndodhjen e rrugëve locale e kombëtare, të ndërtesave të qeverisjes lokale e qendrore, objektet e edukimit të nxënësve, parqe, biblioteka etj.
Lidhja e njeriut me mjedisin a)përdorimi i mjedisit b)ndikimi në mjedis c)ndryshimet positive dhe negative	• Si përdorin njerëzit tokën (blegtori, kullotja, minierat, industria)? •Cilat janë degët kryesore të ekonomisënë zonën tonë? • Si e përdorin njerëzit mjedisin e tyre? •Ae kanë ndryshuar ata mjedisin ( identifiko ndryshimet) • Realizo fotografi të marra me aparatin tënd në lidhje me zonat e mbrojtura pranë qytetit tonë *Veprimtari ne terren* a)zbulo dhe dokumento një problem real që lidhet me mjedisin në zonën tonë b)rendit shkaqet dhe pasojat e dukurive që ke zbuluar c)propozo rrugë për zgjidhjen e problemit në të ardhmen		·Vëzhgon dhe sjell shembuj si kanë ndikuar këto burime në jetën e banorëve · Diskuton mbi rrugët nëpërmjet të cilave njerëzit kanë shfrytëzuar pasuritë natyrore ·Demonstron përkujdesje dhe ndjeshmëri për burimet natyrore dhe ruajtjen e tyre. ·Identifikon llojet kryesore të veprimtarive prodhuese ekonomike, industriale dhe tregtare në mjedisin lokal.
Lëvizja a)Mallrave b)Njerëzve c)ideve	• Nëse do të udhëtonit në qytetet e Vlorës, Tiranës, Ebasanit, çfarë rruge do të përshkruanit (identifiko në hartë rrugën që do të përshkruaje)? • A eksporton vendi mallra në vende të tjera? Nëse po, çfarë dhe ku? • A e importon mallra nga vendet e tjera? Nëse po, çfarë dhe nga ku? Identifiko me foto llojet e turizmit që zhvillohen në zonët tonë Veprimtari ne terren - Zbulo dhe dokumento një problem real që lidhet me turizmin, lëvizjen e mallrave etj. -Rendit shkaqet dhe pasojat e dukurisë që ke zbuluar -Propozo rrugët për zgjidhjen e problemit në të ardhmen	www.uamd.edu.al/.../TURIZMI-HISTORIK-NË-QARKUN-E-BER...	-Përshkruan strukturën moshore të popullsisë në zonën ku jeton; -Mbledh të dhëna statistikore për të shpjeguar lëvizjet e popullsisë së zonës në periudha të ndryshme dhe shkaqet. -Dallon karakteristikat kryesore të vendbanimeve në qytetin/fshatin e tij. -Krahason mënyrën e jetesës së popullsisënë mjedisin e tij lokal me atë të popullsisë në mjedise të tjerë. -Evidenton: -monumentet e trashëgimisë kulturore dhe natyrore të zonës; -vlerat turistike që kanë monumentet e trashëgimisë kulturore dhe natyrore të zonës; -rreziqet natyrore dhe antropogjene që kërcënojnë vlerat e trashëgimisë kulturore dhe natyrore të zonës.
Rajoni Karakteristikat : a)Fizike b)Ndarjet administrative c)ekonomike d)Kulturore	Në cilin rajon të Shqipërisë bën pjesë qyteti ynë? Karakteristikat fizike Karakteristikat kulturore që kanë të bëjnë me rajonin •Përshkruaj organet e qeverisjes vendore dhe qendrore • Ndërto skemën e ndarjes administrative të zonës • A është Berati i ngjashëm me ndonjë nga qytetet kufitare me të (traditat, gjuha, klima, relievi etj)? *Veprimtari ne terren* -Zbulo dhe identifiko një problem real që lidhet me trashëgiminë kulturore të rajonit në të cilën ndodhet qyteti i Beratit -Rendit shkaqet dhe pasojat e dukurisë që ke zbuluar -Propozo rrugët e zgjidhjes së problemit		·Pranon dhe respekton diversitetin natyror, shoqëror, kulturor të zonës ku banon.

Ora e tretë e projektit

Nxënësit identifikojnë në terren

- problemet reale sipas detyrave të tyre,

- kryejnë foto me aparatin e tyre,

- pasurojnë punën e tyre me foto të ndryshme

Ora e katërt e projektit

Përzgjedhja e materialit dhe përgatitja e saj me ndihmën edhe të mësuesit të Biologjisë dhe TIK

Ora e tretë e projektit

Prezantimi i projektit
Vlerësimi i projektit

Vlerësimi i projektit

Vlerësohen projektet që kanë realizuar grupet e punës me një përgjegjësi të madhe duke zbatuar këto parime:

• projektet që përmbajnë më tepër punime origjinale (intervista, grafikë, harta skicë, fotografi, materiale të shkruara etj.);

• Ulen pikët vlerësuese për projektet që përmbajnë materiale të shkruara të kopjuara (plagjiaturë) duke mos respektuar porosinë e dhënë më parë;

• Vlerësohen projektet për shkallën e përdorimit të TIK në procesin e krijimit dhe të prezantimit të projekteve;

• Vlerësohen me pikët maksimale projektet për paraqitjen e problemeve reale që shfaqen në mjedisin lokal, si dhe për dhënien e zgjidhjeve sidomos në drejtim të mbrojtjes së mjedisit dhe trashëgimisë natyrore e kulturore.

• Vlerësohen për mënyrën e prezantimit të punës së kryer

(Portali Shkollor)