Preferoj të jap mësim nën maskë sesa përpara një ekrani kompjuteri

Mësimi në distancë ishte një barrë e madhe për mësuesit, e cila në fillim nuk parashikohej e tillë. Mësuesit kanë punuar në kompjuter për rreth dhjetë orë: regjistrimi i materialeve, krijimi i orëve virtuale, qasje e re ndaj materialit që shpesh nuk është e lehtë për t’u transmetuar pa fjalë të drejtpërdrejta, përgjigje ndaj nxënësit në çdo kohë. Skype ose Zoom ishte një zëvendësim i dobët i atmosferës në klasë.

Gjithashtu, vlerësimi i studentëve është i vështirë, nuk është e qartë se si të kontrollohen disa njohuri objektive. A janë të besueshme reagimet e nxënësve? Gjëja pozitive është që nxënësit kanë zotëruar aftësi kompjuterike. Të gjithë e kemi kuptuar që kjo lloj ndihme në të mësuar dhe në mësimdhënie është shumë e mirë. Por nuk mund të zëvendësojë tërësisht mësimin.

Me siguri nxënësit ishin të lumtur në shtëpi që të mund të flinin deri në mesditë. Pastaj, ngadalë përmbushnin detyrimet e tyre. Por, shumë shpejt punët u grumbulluan dhe organizimi ishte i dobët.

Shkuarja në shkollë është një pjesë e rëndësishme e ditës së një fëmije, struktura e jetës së tyre dhe përgjegjësia e imponuar nga ai ritëm është e mirë dhe e rëndësishme. I riu është një qenie e çorganizuar, energjike dhe i duhet një udhëzim për ta mbajtur nën kontroll. Madje, kjo vlen edhe për të rriturit.

Si shkuan ditët e para të shkollës? A preferoni klasa me mësim të drejtpërdrejtë, pavarësisht nga kufizimet, apo klasat në internet?

Shumë prej jush mund të justifikohet me mbajtjen e maskave. Maskat duket se janë një problem pak më i madh për mësuesit sesa për nxënësit, pasi mësuesit duhet të flasin shumë nën maskë, përsërisin shpesh, dëgjojnë pak dhe rrjedhimisht lodhen më shpejt. Por askush nuk ankohet, pasi është e qartë për të gjithë që është çështje e përgjegjësisë shoqërore. Ndaj, gëzojuni maskës, sepse të paktën i shikoni dhe i ndjeni reagimet e nxënësve tuaj.

Përktheu Parajsa Shtini

Burimi: https://www.vecernji.hr/kultura/bolje-je-raditi-pod-maskama-nego-online-ne-zale-se-ni-ucenici-jasno-im-je-da-se-radi-o-drustvenoj-odgovornosti-1431478?fbclid=IwAR0nDGBu1pwQeBlNSlEHEHVARNfX-nr9GtiBboNCeo4lC0fZwCS3SVpPge8