Higjiena dhe pamja fizike

Në cilën moshë shfaqet celuliti, si mund ta mbaj nën kontroll?

Çdo grua ka 35 milionë qeliza të tilla, të cilat mund të ruajnë një sasi të madhe dhjami (27 herë më shumë se masa e tyre), duke krijuar gropëzat e vogla, që përbëjnë celulitin.

Pyetja e adoleshentit: Në cilën moshë shfaqet celuliti dhe si mund ta mbaj nën kontroll?

Përgjigjen specialistët:

Gjatë disa periudhave të pubertetit mund të vihet re shfaqja e celulitit, si dhe rritja e masës së vitheve. Këto shkaktohen nga bllokimi qarkullimit të lëndëve dhe grumbullimi i yndyrnave (dhjamit) në zona të caktuara të trupit: te kofshët, tek ijët, tek të ndenjurat, si dhe në pjesën e pasme të gjunjëve.

Kjo ndodh për shkak të adipociteve, qelizave dhjamore të trupit tonë. Çdo grua ka 35 milionë qeliza të tilla, të cilat mund të ruajnë një sasi të madhe dhjami (27 herë më shumë se masa e tyre), duke krijuar gropëzat e vogla, që përbëjnë celulitin.

Produkte kundër celulitit

  • Anticelulitët përmbajnë lëndë që kanë aftësi të shpërbëjnë dhjamin (yndyrën) e grumbulluar dhe ndihmojnë për të parandaluar shfaqjen e mëtejshme të celulitit.
  • Këshillohet përdorimi i përditshëm i këtyre produkteve, nëpërmjet masazhit me lëvizje të lehta. Drejtimi duhet të jetë gjithmonë nga lart, që kremi të përhapet sa më mirë.
  • Në zonën e barkut është mirë që masazhi të bëhet me lëvizje rrethore, në drejtimin e akrepave të orës, derisa lëkura ta ketë përthithur të gjithë masën e kremit.

( Marrë nga libri "Seksi, 101 pyetje dhe përgjigje", botuar nga ALBAS )

2,617 Lexime
8 vjet më parë