Disa aktivitete me ujë që mund t’i realizoni me fëmijët tuaj këtë fillim verë

Larja e makinave

Larja e makinave është më shumë se një detyrë rutinë. Është një mundësi për të ndarë kohë me fëmijët tuaj dhe për të krijuar kujtime të paharrueshme me ta. Gjithçka që ju nevojitet për këtë aktivitet është një sapun që bën shumë shkumë, disa sfungjerë ose furça pastrimi dhe enë të mbushura me ujë. Për realizimin e këtij aktiviteti mund të përdorni makinat reale apo makina lodra.

Loja me balona të mbushura me ujë

Që të zhvilloni këtë aktivitet, mbushini disa balona me ujë dhe shtoni objekte ose lodra të vogla në brendësi të tyre. Pastaj, vendosini balonat në frigorifer për të lejuar ujin të ngrihet dhe të formojë akull. Pas ngrirjes, çajeni balonën për të zbuluar një formë të veçantë të akullit.

Kjo lojë ofron një mënyrë kreative dhe argëtuese për t'i kënaqur ata në kohën e lirë jashtë.

Loja e pikturimit me ujë

Loja e pikturimit me ujë është një mënyrë e shkëlqyer për fëmijët që të shprehin kreativitetin e tyre në mënyrë të lirë dhe argëtuese. Duke përdorur një kovë për ujë dhe furça, ata mund të lënë gjurmë dhe vizualizime unike në sipërfaqen e çimentos ose asfaltit. Ky aktivitet nxit zhvillimin e aftësive artistike dhe perceptuese të fëmijëve, duke i lejuar ata të eksperimentojnë me ngjyrat dhe formën në një mënyrë që është e sigurt dhe e përshtatshme për moshën e tyre.

Loja “Shpërthimi i balonave”

Loja fillon duke mbushur balonat me ujë dhe pastaj duke i lidhur ato së bashku me nyjë. Më pas, një fije e shkurtër përdoret për t'i lidhur balonat në degë pemësh ose në një litar rrobash. Symbyllurazi dhe me shkop në duar shpërthejini balonat.  Kjo lojë është një mënyrë e shkëlqyer për të përjetuar argëtimin në natyrë dhe për të shijuar kohën jashtë me miqtë dhe me familjen.

Loja e mbajtjes së gotës me ujë në duar

Loja fillon duke e pajisur secilin person me një filxhan të plotë me ujë dhe një litar. Pastaj, secili lojtar përpiqet të kërcejë litarin për 10 hedhje duke mbajtur filxhanin në dorë. Fituesi i çdo raundi është ai lojtar që ka mbetur me më shumë ujë në filxhanin e tij pasi të gjithë kanë kryer hedhjet. Kjo lojë promovon bashkëpunimin, aktivitetin fizik dhe kënaqësinë e një sfide të lehtë dhe argëtuese në natyrë.

Këto lojëra janë më shumë se aktivitete, ato janë aventura që frymëzojnë dhe zbulojnë shpirtin e fëmijëve në ditët e bukura të pranverës dhe të verës.

Përveç që lojërat me ujë sjellin argëtim, ato ndihmojnë në zhvillimin e aftësive motorike, artistike dhe bashkëpunuese të fëmijëve, si dhe krijojnë kujtime të paharruara për ta. 

Burimet: Kliko këtu dhe Kliko këtu

Përgatiti: Arlinda Hajdaraj, gazetare përgjegjëse e Portalit Shkollor Albas për Kosovën. 
©Portali Shkollor- Të gjitha të drejtat e rezervuara. Ndalohet kopjimi pa lejen tonë.