Leximi

“Asnjë ditë nuk duhet të na kalojë pa lexuar një faqe!”

Ja cilat janë veprat që sugjeron mësuesi i gjuhës Erget Cenolli për t’i lexuar nxënësit e klasës së 6-të, 7-të dhe 8-të. Prindër kujdesuni që fëmijët tuaj të lexojnë çdo ditë të paktën 20-25 faqe të një libri

Pas publikimit të listës me libra që duhet të lexojë një nxënës i klasës së 9-të dhe të 10-të, prindërit dhe nxënësit na kanë shkruar duke kërkuar rekomandime edhe për klasat e tjera. Sot ju sjellim listën me librat që rekomandon profesori Gjuhës Shqipe në shkollën 9-të vjeçare "Belorta" Erget Cenolli për nxënësit e klasës së 6-të, 7-të dhe 8-të.

Gjithashtu mësuesi këshillon të gjithë prindërit që të regjistrojnë fëmijët në bibliotekë, mundësisht tek biblioteka e fëmijëve. Është mirë që fëmijët të lexojnë 20-25 faqe në ditë. Lasgush Poradeci ka thënë: “Asnjë ditë nuk duhet të na kalojë pa lexuar një faqe!”


Lista për leximet e klasës së  6-të

  1. “Tregime të moçme shqiptare”, Mitrush Kuteli
  2. “Gjahu i malësorëve”, Kostandin Kristoforidhi
  3. “Vilhelm Tel”, dramë nga Shiler
  4. “Aventurat e Tom Sojerit”
  5. “Aventurat e Hakëlberi Finit”, Mark Tuen
  6. “Shpella e piratëve”, Petro Marko
  7. “Harri Poter 1”, Rowling
  8. “Piter Pan”, J.Barry

Poezi nga:

  1. Ndre Mjeda
  2. Naim Frashëri
  3. Lasgush Poradeci
  4. Dritëro Agolli

Klasa e 7-të

  1. “Prometeu i lidhur”, Eskili
  2. “Pesë javë në balon”, Zhyl Vern
  3. “Pa familje”, Hektor Malo
  4. “Historia pambarim”, Mikael Ende
  5. “Harri Poter 2 dhe 3”, Rowling
  6. “Princi i vogël”, Ekzyperi
  7. “Kronikë në gur”, Ismail Kadare
  8. “Fantazma dhe plani 3+4”, Petro Marko
  9. “Cikua dhe Beni”, Naum Prifti
  10. Mitrush Kuteli “Vepra letrare 2”
  11. “Epoka para gjyqit” dramë nga Ekrem Kryeziu

Poezi nga :

  1. Asdreni
  2. Migjeni
  3. Martin Camaj
  4. Ismail Kadare

Klasa 8-të

  1. “Mitet më të famshme të lashtësisë”, Gudrich
  2. “Balada shqiptare”, Vladimir Zoto
  3. Pjesë nga Epos i Kreshnikëve
  4. Prozat poetike të Faik Konicës
  5. Mitrush Kuteli “Vepra letrare 1”
  6. “Poliana”, Porter
  7. “Odisea”, Homer
  8. Fabula nga Ezopi
  9. “Antigona”, Sofokliu
  10. Sibilat e Bogdanit
  11. “Kolombreja e tregime te tjera”, Dino Buxati
  12. “Kënga e sprasme e Balës”, Gavril Dara i Riu
  13. “Kush e solli Doruntinën”, Ismail Kadare
  14. “Odin Mondvalsen”, Kasëm Trebeshina
  15. “Djemtë e rrugës Pal”, Ferenc Molnar
  16. “Kapiteni pesëmbëdhjetëvjeçar”, Zhyl Vern
  17. Tregime dhe poezi nga Ernest Koliqi

Poezi:

  1. Safo
  2. Gijom Apoliner
  3. Rudiar Kipling
  4. Naim Frasheri
  5. Dritëro Agolli
  6. Lasgush Poradeci


(Portali Shkollor)

4,492 Lexime
8 vjet më parë