Vlash Prendi, mësuesi i përkushtuar që mësoi 41 breza

Këto ditë në shkollen e Skurajve u organizua një ceremoni modeste për të vlerësuar punën e edukatorit dhe arsimitarit Vlash Prendi, i cili doli në pension. Vlash Prendi ka shërbyer pas 40 viteve punë si mësues e drejtues, mbylli një kapitull të rëndësishëm të jetës së tij, atë të punës së mësuesit të gjuhë-letërsisë në këtë shkollë.

Kolegë, nxënës dhe prindër shprehen falënderimet dhe mirënjohjen e tyrr për kontributin dhe misionin e Vlash Prendit për shkollen dhe komunitetin.Vlash Prendi ka lënë gjurmë në arsimin e Kurbinit. Sipas informacionëve të publikuara në faqen zyrtare të Shkollës së Skurajve, mësohet se Prendi është pjesë e listës së nxënësve të klasës I-VIII në historinë e shkollës, në vitin 1973, po ashtu një prej 56 nxënësve më të mirë të shkollës ndër vite, duke u renditur ndër të parët.

Vlash Prendi ka punuar pikërisht në vendlindjen e tij, dhe është mësuesi që ka punar më gjatë në këtë shkollë, plot 40 vjet dukr arsimuar dhe edukuar 41 breza nxënësish, gjithsej 510 nxënës. Pas Fatmir Nilshiqit, Ndue Preçit e Gjok Mollës, Vlash Prendi është drejtuesi i katërt i kësaj shkolle, të cilën e drejtoi për 7 vite.

Veçohet si ndër mësuesit e dalluar për disiplinë të lartë në punë dhe përpikmëri e cilësi në kryerjen e detyrave apo mbajtjes së dokumentacionit shkollor.

Prendi nuk është vetëm mësues, por edhe një ndër intelektualët dhe studiuesit e trevës së Kurbinit. Prendi është marrë edhe me studime në fushën e folklorit, historisë, edukimit etj., ku deri tani ka botuar 12 libra, si dhe me gazetari.

Ndërkohë në një anketë të zhvilluar në vitin 2000 ku ishin përzgjedhur 81 mësues, mësuesi nga kurbinas është renditur i katërti. Dashuria për të përçuar dijen tek brezi i ri, krijoi raporte të pandashme të Vlashit me librin.