Libraria Albas ftesë për lexuesit: Më 28 shkurt, një mbrëmje me Anisa Markarian për librin "Fshesarja e Republikës"

Libraria Albas ka kënaqësinë të ftojë lexuesit në një mbrëmje speciale me shkrimtaren dhe aktoren e njohur Anisa Markarian, për të prezantuar romanin e saj të fundit, "Fshesarja e Republikës".

Shënojeni: 

Data dhe ora- 28 shkurt, ora 18:30;

Vendi- Libraria Albas, Rruga "G.W. Bush", Ushtari i Panjohur, Tiranë;

Në këtë takim, do të keni mundësinë të njiheni me autoren dhe të diskutoni mbi tematikën e romanit, i cili trajton përplasjen mes individit dhe sistemit, duke u fokusuar në jetën e Vezullores, një vajzë e re që simbolizon rebelimin dhe rezistencën ndaj padrejtësive. 

"Fshesarja e Republikës" është libri i pestë i Anisa Markarian dhe lëvron zhanrin e realizmit magjik. Romani sjell një pasqyrë të ndërlikuar dhe të thellë të shoqërisë shqiptare dhe përplasjes mes individëve dhe sistemit. 

Ju ftojmë të merrni pjesë dhe të ndani mendimet tuaja mbi letërsinë dhe artin me Anisa Markarian.

© Portali Shkollor - Të gjitha të drejtat e rezervuara. Ndalohet kopjimi pa lejen tonë.