28 Nëntori

Festa e Flamurit në SHFMU “Shaban Jashari”

Fatlume Mehmeti, mësimdhënëse në SHFMU "Shaban Jashari", së bashku me nxënësit e saj të klasës së dytë ka realizuar disa aktivitete në klasë për Ditën e Flamurit.

Nxënësit e klasës së dytë të shkollës fillore "Shaban Jashari" në Skenderaj i festuan në mënyrë madhështore Festat e Nëntorit. 


Nxënësja Liza Idrizi i dha ngjyrë të bukur kësaj feste duke luajtur me gishtat e saj të vegjël melodinë e këngës "Për mëmëdheun".



Ndërsa për pjesën teatrale "Nëntori i dytë" nxënësit Dren Babaj, Drin Babaj, Diella Lushtaku, si dhe Leon Bajrami sollën ndjenjë dhe emocion me zërin e tyre të bukur.



“Gjatë kësaj feste nxënësit vallëzuan, kënduan, recituan por nuk munguan as aktivitetet e tjera si në lëndën e matematikës. Qëndisja e flamurit duke mbledhur dhe zbritur numrat deri në 20, ishte mjaft atraktive”, - ka thënë mësimdhënësja Fatlume Mehmeti për Portalin Shkollor.  




Përgatiti: Era Baliu, gazetare përgjegjëse e Portalit Shkollor Albas për Kosovën

 

©Portali Shkollor– Të gjitha të drejtat e rezervuara. Ndalohet kopjimi pa lejen tonë.   

2,479 Lexime
2 vjet më parë