Ambiente të reja te “Partizani”

Viti i ri shkollor, ambiente të reja për nxënësit e Tiranës

Nxënësit e gjimnazit “Partizani” këtë vit kanë edhe një arsye më tepër për të qenë “kampion” në arritjen e rezultateve të larta në mësime. Aktualisht janë rehabilituar të gjitha ambientet e brendshme për të përmirësuar kushtet e mësimdhënies

Me nisjen e vitit të ri shkollor, nxënësit e kryeqytetit do të kenë mundësi që të studiojnë në kushte të denja.


Në një kohë që qytetarët i janë drejtuar bregdetit për të shijuar pushimet, punonjësit e ndërmarrjeve të Bashkisë së Tiranës kanë nisur punën për rikonstruksionin e shkollave 9-vjeçare dhe të mesme, si në ambientet e brendshme, ashtu edhe në ato të jashtme.


Siç mund të shihni edhe nga këto foto, nxënësit e gjimnazit “Partizani” këtë vit kanë edhe një arsye më tepër për të qenë “kampion” në arritjen e rezultateve të larta në mësime. Aktualisht janë rehabilituar të gjitha ambientet e brendshme për të përmirësuar kushtet e mësimdhënies për brezat e rinj.

Viti i ri shkollor ruan plot surpriza edhe për nxënësit e shkollës “Ahmet Gashi”, ku është bërë i mundur rehabilitimi i këndit të lojërave që të gjithë nxënësit të kenë një hapësirë të denjë sportive.

1,657 Lexime
7 vjet më parë