Arsimi i lartë Kosovë

UP mbështet financiarisht studentët me aftësi të kufizuara

Universiteti i Prishtinës ka bërë të ditur se do të mbështesë financiarisht studentët me aftësi të kufizuara, me vlerë prej 450 euro për secilin prej tyre. Në vazhdim kemi bashkëngjitur informacione më të detajuara dhe linkun për aplikim.

Në një njoftim të fundit, Universiteti i Prishtinës (UP) ka publikuar një plan mbështetës për studentët me aftësi të kufizuara për vitin akademik 2023/2024. 


Ky plan përfshin një ndihmë financiare të vlerës së 30.000 eurove, e cila është caktuar nga Keshilli Drejtues i UP-së për të adresuar nevojat e tyre. 


Çdo student do të përfitojë deri në 450.00 euro, duke i dhënë atyre një mbështetje substanciale për të ndjekur studimet e tyre në UP.


Ky njoftim shënon një angazhim të rëndësishëm të UP-së për përmirësimin e aksesit në arsim për të gjithë, duke theksuar rëndësinë e përfshirjes dhe mbështetjes së të gjithë studentëve në rrugën e tyre drejt një arsimi cilësor.



Burimi: Kliko këtu

Dokumenti për aplikim: Kliko këtu



Përgatiti: Arlinda Hajdaraj, gazetare përgjegjëse e Portalit Shkollor Albas për Kosovën. 
©Portali Shkollor- Të gjitha të drejtat e rezervuara. Ndalohet kopjimi pa lejen tonë.

364 Lexime
5 muaj më parë