QTPA trajnim me kredite online më datë 27 maj, moduli “Një kopsht miqësor për të gjithë fëmijët”

Qendra e trajnimeve dhe projekteve Albas, do të zhvillojë online në datën 27.05.2023, ora 10.00, trajnimin me kredite për modulin: 

"Një kopsht miqësor për të gjithë fëmijët" 

Moduli synon të ndihmojë mësuesit dhe drejtuesit e këtyre institucioneve që të krijojnë klimë miqësore dhe një mjedis gjithëpërfshirës për të gjithë fëmijët, ku secili të ndihet i mirëpritur, të marrë pjesë dhe të përfshihet në veprimtaritë që zhvillohen në grup, si dhe të arrijë rezultatet e të nxënit.

Moduli trajton:

aspekte të organizimit dhe zhvillimit të veprimtarisë mësimore-edukative në institucionet parashkollore që kanë fëmijë të margjinalizuar (romë, egjiptianë, me aftësi të kufizuara, pakica kombëtare etj.).

Rezultatet e të nxënit që do të arrihen nëpërmjet modulit: 

Gjatë zhvillimit të këtij moduli, mësuesit dhe drejtuesit e institucioneve parashkollore: 

• vlerësojnë rëndësinë e klimës miqësore në edukimin dhe zhvillimin e fëmijës;
• analizojnë karakteristikat e një kopshti miqësor për fëmijët;
• përcaktojnë përfitimet e fëmijëve, prindërve, mësuesve, komunitetit dhe shoqërisë nga një kopsht miqësor;
• hartojnë strategji/plane që shërbejnë për krijimin ose përmirësimin e klimës pozitive në kopsht;
• përcaktojnë rrugët e bashkëpunimit me kolegët, prindërit dhe komunitetin për krijimin e një kopshti miqësor;
• aftësohen se si të edukojnë te fëmijët mesazhin e të drejtave të barabarta, të barazisë gjinore, të gjithëpërfshirjes, të tolerancës, të respektimit të diversitetit dhe të dashurisë për njëri-tjetrin.

Moduli ka 1 kredit, i barazvlefshëm në 18 orë trajnim (9 orë trajnim/ 9 orë përgatitje dhe përpunim njohurish).

Pagesa për trajnimin është 1500 lekë të reja. 

Pagesat kryhen përmes llogarisë bankare të Albas. 

Për t’u regjistruar në trajnim kliko në linkun e mëposhtëm: 

https://trajnime.arsimi.rash.al/Trajnimes/Createmesuseregister/69771?d=05%2F27%2F2023%2000%3A00%3A00

Për më tepër informacion, mund të kontaktoni në numrin e sekretarisë 0697070480, ose në adresën e e-mailit [email protected]

© Portali Shkollor- Të gjitha të drejtat e rezervuara. Ndalohet kopjimi pa lejen tonë.