MASR pyet mësuesit, prindërit dhe nxënësit për fillimin e vitit të ri shkollor

Në një moment kur të gjithë mësuesit, prindërit por edhe nxënësit janë të paqartë dhe të mbushur me dilema për vitin e ri shkollor, MASR u ka vënë atyre sot në dispozicion një sondazh nëpërmjet të cilit i pyet për alternativat e hapjes së shkollave. Sondazhi online, tashmë ka kaluar tek secili prej jush dhe ju keni mundësi të bëni zgjedhjen tuaj personale. 

Nga një postim i Drejtorisë së Arsimit Parauniversitar në rrjetin social Facebook, bëhet me dije se “Mbledhja e të dhënave vijuese bëhet vetëm për përpunime statistikore, që vijnë nga deklarimet e nxënësve, prindërve dhe mësuesve në lidhje me fillimin e vitit shkollor 2020-2021. Mbledhja dhe përpunimi i të dhënave vijuese do të bëhet mbështetur në aktet ligjore për mbrojtjen dhe përpunimin e të dhënave personale”.

Këtë sondazh kanë të drejtë ta plotësojnë vetëm mësuesit, prindërit dhe nxënësit teksa ata pyeten se si do të preferonin të fillonte viti i ri shkollor 2020-2021, për shkak të situatës së pandemisë COVID -19. Pjesëmarrësit e sondazhit identifikohen me disa nga të dhënat e tyre, ky përfshihet vendbanimi, gjinia, gjendja civile, arsimimi etj. 

Në link-un në vijim ju konkretisht do të gjeni sondazhin për fillimin e vitit shkollor 2020-2021:

Tashmë na mbetet të presim se çfarë do të vendos MASR pas daljes së këtyre statistikave për vitin e ri shkollor 2020-2021.  

 Nanila Allkja Biçaku

© Portali Shkollor- Të gjitha të drejtat e rezervuara. Ndalohet kopjimi pa lejen tonë.