"Martin Camaj ende i pazbuluem"

Kur të mëdhenjtë shkruajnë për të mëdhenjtë kritika pasurohet dhe lexuesi orientohet drejt, por dhe mençurisht. Shtëpia botuese Albas sjell librin e Hans-Joachim Lanksch, "Martin Camaj ende i pazbuluem". 

Në këtë libër gërshetohet objektivizmi me ndjeshmërinë e studiuesit, ky autor e sjell shumë bukur figurën e Martin Camaj që është një shkollë më vete për letërsinë shqipe.

(Fragment i shkëputur nga libri)

Martin Camaj i përjetonte kontrastet mes botës së njohun dhe të huej, mes veriut dhe jugut, mes ngrohtësisë dhe ftohtësisë, dritës dhe territ, mes të qenunit mbarë e të qenunit prishun.

Lexuesi ka mundësi me i lexue vjershat e Martin Camajt me thjeshtësi të pacerebralizueme. Me i lexue si pejsazh fjalësh tue u endë në kët pejsazh fjalësh dhe imazhesh në shtigje ”të parrahuna me kambë ose patkoj”, tue ndigjue heshtjen, tue shtegtue majë me majë, tue shtegtue nëpër rrafshet, malësitë, honet, ngjyrat, hijet, tingujt e jehonat e fjalëve tue u zhytë ”nën hijen e sendeve”.

Për poetin nga bjeshkët e Temalit, bota ishte nji si arsenal shenjash, kurse letërsia për të ishte nji mjet për me u dhanë shenjave nji tingull nëpërmjet fjalës.

Hans-Joachim Lanksch u lind më 1943, në Braunschweing të Gjermanisë Veriore. Studioi sllavistikë, ballkanologji, albanologji dhe etnologji në Munih dhe Zagreb.

(Portali Shkollor)