Gjërat që bëjnë mësuesit e suksesshëm

Po mendoni të bëheni mësues/e? Apo po kërkoni mënyra për t'u bërë më të suksesshëm në karrierën tuaj të mësimdhënies? Duhet të keni parasysh se mësimdhënia nuk është aq e lehtë, por kjo nuk do të thotë se nuk mund të jetë argëtuese. Duhet shumë durim dhe punë e vështirë për t'u bërë një mësues i suksesshëm.

Për fat të mirë, ka strategji të panumërta që mund të përdorni për të rritur suksesin tuaj si mësues.

Më poshtë gjeni një bollëk gjërash që bëjnë mësuesit e suksesshëm.

Besoni në potencialin e nxënësve tuaj

Suksesi i një mësuesi fillon me suksesin e nxënësve të tyre. Gjithmonë keni pritshmëri të larta për nxënësit tuaj. Besoni në potencialin e tyre për të pasur sukses dhe sigurohuni që t'i shtyni dhe inkurajoni sa më shumë.

Edhe kur ata dështojnë, motivojini të përpiqen përsëri dhe të punojnë më shumë. Kjo strategji ju ndihmon t'i nxirrni nga zona e tyre e rehatisë në mënyrë që të mund të ndjekin suksesin duke e ditur se ju jeni aty për t'i japur dorën sa herë që ata dështojnë.

Mësoni gjithçka që mundeni për fushën tuaj

Të qenët shumë i ditur në fushën tuaj të studimit është gjithashtu një hap vendimtar drejt një karriere të suksesshme mësimdhënieje. Është e vërtetë që edhe mësuesit më të suksesshëm nuk dinë gjithçka. Por, sa më shumë të dini, aq më lehtë do të jetë t'i mësoni nxënësit tuaj dhe t'u ofroni atyre përgjigje të menjëhershme për pyetjet e tyre. Ju gjithashtu mund të krijoni aktivitete emocionuese të bazuara në teknologji.

Të mësuarit nuk ndalet kurrë dhe kjo është arsyeja pse, si mësues, ju duhet ta ushqeni mendjen tuaj me sa më shumë informacione. Mos harroni se nxënësit preferojnë gjithmonë të konsultohen me mësimdhënës që dihet se zotërojnë njohuri të thelluara për një fushë specifike.

Jini argëtues dhe energjik

A e dini se shumica e nxënësve janë më të prirur t'i ndajnë problemet e tyre akademike me mësuesit që bëjnë humor dhe që janë entuziastë sesa me ata që janë të inatosur dhe "gjithnjë seriozë"? Po! Mënyra se si silleni përcakton shumë afrueshmërinë tuaj.

Buzëqeshni sa herë që bisedoni me nxënësit tuaj, bëni një ose dy shaka e kështu me radhë. Kjo ndihmon për të lehtësuar çdo tension ose frikë që mund të ndiejnë nxënësit kur ju afrohen për ndihmë.

Rrezikoni

Thonë: "Pa rrezik, pa shpërblim!". Marrja e rreziqeve luan një rol vendimtar në suksesin e një personi. Nxënësit tuaj shikojnë dhe vëzhgojnë të gjitha lëvizjet tuaja. Prandaj, nëse rrezikoni duke provuar gjëra të reja herë pas here, ata gjithashtu do të kenë mjaft besim të bëjnë të njëjtën gjë. Kjo i shtyn ata të shpërthejnë nga flluskat e tyre, duke eksploruar të panjohurën, e cila përfundimisht ushqen aftësitë e tyre për marrjen e rrezikut.

Jini kreativ

Strategjitë që përdorni për të përcjellë informacionin te nxënësit tuaj duhet të jenë krijuese në një mënyrë që të tërheqin vëmendjen e klasës suaj. Përpiquni ta bëni çdo mësim emocionues për nxënësit tuaj. Kjo jo vetëm që e bën përvojën e tyre argëtuese, por gjithashtu siguron që ata të jenë plotësisht të angazhuar gjatë çdo klase dhe gjithmonë të etur për tjetrën.

Jini konsistent dhe vendimtar

Për të qenë të suksesshëm në mësimdhënie, duhet të jeni koherent dhe të vendosur. Nëse thoni diçka, qëndroni pas saj! Nëse thoni se do të bëni diçka, bëjeni! Nëse vendosni rregulla, qëndroni fort pas tyre! Shmangni përjashtimet.

Jini gjithmonë të informuar

Një mësues i suksesshëm e di se sa e rëndësishme është të jesh i informuar për lajmet më të fundit, me teknologjinë e kështu me radhë. Ndarja e këtij informacioni me nxënësit tuaj ju ndihmon t'i mbani të përditësuar edhe ata. Nga ana tjetër, kjo i shton vlerë përvojës së të mësuarit.

Ndarja e njohurive të reja gjithashtu i shtyn nxënësit të hulumtojnë dhe të mësojnë më shumë për gjërat që ndodhin përtej kufijve të klasës së tyre.

Komunikoni

Komunikimi është një mjet i fuqishëm. Pavarësisht nëse ndodh me një nxënës ose me prindin e tyre, dialogu ju ndihmon të jepni informacione dhe rekomandime kritike që mund të jenë vendimtare për sukses.

Dëgjoni dhe tregoni ndjeshmëri për çështjet personale

Dështimi në një provim nuk do të thotë gjithmonë se nxënësi nuk ka mësuar. Ndonjëherë, mund të jetë për shkak të faktorëve të jashtëm. Kjo është arsyeja pse mësuesit e suksesshëm ndajnë kohë për të dëgjuar dhe këshilluar nxënësit e tyre. Gjithmonë trajtojini ata sikur të jenë fëmijët tuaj. Në këtë mënyrë ata gjithmonë do t'ju besojnë në rast se diçka po e pengon suksesin e tyre në klasë.

Siguroni materiale përkatëse shtesë

Kjo mund të jetë në formën e librave elektronikë, burimeve në internet, dokumenteve të vjetra, videove e kështu me radhë – çdo gjë dhe gjithçka që mund të jetë e dobishme për studimet e tyre. Shmangni mbingarkimin e tyre me detyra shtëpie.

Jini të vëmendshëm

Për të qenë të suksesshëm në mësimdhënie, ju duhet t'i vëzhgoni të gjithë nxënësit tuaj individualisht. Kjo do t'ju ndihmojë të përshtatni strategji që synojnë t'i ndihmojnë ata të shfrytëzojnë pikat e tyre të forta dhe të kapërcejnë dobësitë e tyre.

Vendosni objektiva bashkë me nxënësit tuaj

Siç u përmend më lart, suksesi i një mësuesi përcaktohet kryesisht nga suksesi i nxënësve të tyre. Prandaj, ju duhet të vendosni synime dhe objektiva me nxënësit tuaj. Pas kësaj, punoni me ta drejt arritjes së këtyre qëllimeve së bashku si ekip.

Burimi: Klikoni këtu

Përgatiti: Era Baliu, gazetare përgjegjëse e Portalit Shkollor Albas për Kosovën