Eksperiment në lëndën e biologjisë, klasa e nëntë

Punë eksperimentale : “Vëzhgimi i qelizave të kuqe dhe të bardha të gjakut nën mikroskop”

Klasa: 9

Lënda: Biologji

Objektivat e orës mësimore :

Nxënësit do të mësojnë rrjedhën e procedurës për marrje të gjakut nga gishti.
Nxënësit do të shfrytëzojnë mostrën e marrë të gjakut për të vëzhguar nën mikroskop eritrocitet.
Nxënësit do të aftësohet të bëjnë fiksimin e mostrës së marrë në alkool dhe ngjyrosjen e saj në metilen blu që të mund të vëzhgojnë leukocitet.

Aktivitetet e nxënësit :

Përsëritje e shkurtër për njohuritë mbi: Sistemin e qarkullimit të gjakut, gjakun, dhe komponentët kryesorë të gjakut.

Aktivitetet e arsimtarit :

Demonstrim eksperimental dhe aftësimi nxënësve në vetrealizim të eksperimentit.

Materialet e nevojshme:

Lanceta sterile
Dezinfektues
Etil alkool
Qelq mikroskopi
Pjata të Petrit
Metilen Blu
Doreza mbrojtëse

Udhëzimet dhe rrjedhja e eksperimentit :

Marrja e gjakut nga gishti bëhet në gishtin e katërt të dorës së majtë.

Fillimisht me pambuk të lagur me mjet dezinfektues bëhet dezinfektimi i vendit nga i cili do të marrim gjak. Me lancetë sterile bëhet shpuarja e gishtit. Gjaku vendoset në skaj të qelqit të mikroskopit, më pas më një qelq mbulues tjetër shpërndajmë mostrën e gjakut. Preparati i përgatitur në këtë mënyrë lihet disa minuta derisa të thahet plotësisht.

Fiksimi në alkool - Preparati i tharë zhytet në alkool ( Metanolose etanol ) ku lihet të qëndroj për 10 minuta.

Ngjyrosja e preparatit - Pas fiksimit preparati nxirret nga alkooli dhe lihet deri sa të thahet. Më pas zhytet në Metilen Blu ku qëndron po ashtu 10 minuta.

Shpërlarja e preparatit - Bëhet në ujë rrjedhës deri në largimin e plotë të Metilenit Blu. Thahet preparati dhe është i gatshëm për mikroskopim.

Rezultatet:

Mostra e fiksuar me alkool dhe e ngjyrosur me metilen blu mundëson vëzhgim më të mirë të qelizave të gjakut veçanërisht të leukociteve.

Ky material u përgatit nga Renata Mersini, e cila u lind në Gostivar në vitin 1993. Shkollën fillore e kreu në vendlindje. Shkollën e mesme e vazhdoi në Tetovë për të ndjekur më pas studimet në Universitetin Shtetërorë të Tetovës, drejtimi Biologji – Arsimore. Ambicia e madhe në arsimimin e brezave të rinj, bëri që ajo të bëhet pjesë e stafit profesional të “Woodrow Wilson School”, ku edhe vazhdon të jap kontributin e saj.

Shkarkoni materialin

(Xhemazije Rizvani, Portali Shkollor)