Arsimi bazë, numri i nxënësve dhe norma e mësuesit

Arsimi bazë

Numri i nxënësve për klasë

1. Klasat e veçanta në zonat urbane të fonnohen me jo më pak se 15 nxënës dhe në zonat rurale të formohen me jo më pak se 10 nxënës.

2. Ndarja e klasave në paralele të bëhet sipas këtij rregulli:

a) Dy klasa paralele, kur numri i nxenesve është: 32-65;

b) Tri klasa paralele, kur numri i nxënësve është: 66-99;

c) Katër klasa paralele, kur numri i nxënësve është: 100-133;

d) Pesë klasa paralele, kur numri i nxënësve është: 134-167;

3. Ndarja e nxënësve në më shumë se pesë klasa paralele vazhdon sipas rregullit të përcaktuar në pikën 2.

4. Numri i punonjësve mësimore në arsimin fillor të llogaritet një mësues për çdo klase.

Formimi i klasave të bashkuara

Në institucionet arsimore, kur nuk plotësohet numri i nxënësve në përputhje me pikën Nl  të kreut II të udhëzimit numër 30, mësimi të organizohet me klasa të bashkuara. Numri i klasave të bashkuara përcaktohet sipas këtij rregulli:

1. Në arsimin fillor (klasat 1-V)

a) Një klasë, kur numri i nxënësve në klasat 1-V është deri në 10.

b) Dy klasa, kur numri i nxënësve është 11-25.

c) Tri klasa, kur numri i nxënësve është 26-50.

d) Klasa të veçanta, kur numri i nxënësve i të gjitha klasave 1-V është mbi 50, pavarësisht nga numri i nxënësve për klasë.

2. Në arsimin e mesëm të ulët (klasat VI-IX)

a) Një klasë, kur numri i nxënësve në klasat VI-IX është deri në 10.

b) Dy klasa, kur numri i nxënësve është 11-25.

c) Tri klasa, kur numri i nxënësve është 26-40.

d) Klasa të veçanta, kur numri i nxënësve i të gjitha klasave VI-IX është mbi 40, pavarësisht nga numri i nxënësve për klasë.

Numri i drejtuesve

1. Kur numri i nxënësve është më shumë se 80, emërohet një drejtor shkolle.

2. Kur numri i nxënësve është 251-500, emërohet një nëndrejtor shkolle.

3. Kur numri i nxënësve është 501-900, emërohen dy nëndrejtorë shkolle.

4. Kur numri i nxënësve është mbi 900, emërohen tre nëndrejtorë shkolle.

5. Kur numri i nxënësve është mbi 200 dhe drejtoria ka në vartësi 4 shkolla, emërohet një nëndrejtor.

Kur numri i nxënësve është më pak se 80 nxënës, caktohet një kryemësues për të paktën 4 mësues.

Numri i nxënësve të kopshteve që zhvillojnë veprimtarinë e tyre pranë shkollave dhe nuk administrohen nga drejtues kopshti sipas pikës B, të kreut I të Udhëzimit 30, të llogaritet në numrin e përgjithshëm të nxënësve të shkollës.

Norma mësimore javore e mësuesve dhe drejtuesve

1. Edukator në institutet e fëmijëve me aftësi të kufizuara: 30 orë në javë

2. Mësuesi dhe kryemësuesi në arsimin fillor e kanë normën javore, aq sa orë mësimore janë në planin mësimor të klasës ku jep mësim. Brenda normes javore përfshihen edhe orët e punës si mësues kujdestar.

3. Mësuesi i gjuhës shqipe, i gjuhës së huaj, i matematikës, i fizikës, i biologjisë, i  kimisë,  i informatikës, i historisë, i gjeografisë, mësuesi në shkollat e arsimit special: 20 orë  në javë.

4. Mësuesi i lëndëve të tjera: 22 orë në javë.

5. Kryemësuesi në arsimin e mesëm të ulët: 20 orë në javë (përgjigjet për disiplinën dhe inventarin e shkollës).

6. Drejtori i shkollës me 81 - 300 nxënës: 8 orë në javë

7. Drejtori i shkollës me 301 - 600 nxënës: 6 orë në javë

8. Drejtori i shkollës me 601 - 900 nxënës: 4 orë në javë.

9. Drejtori i shkollës me mbi 900 nxënës: nuk jep mësim

10.  Nëndrejtori i shkollës: 8 orë në javë.

Drejtori dhe nëndrejtoret e shkollës e plotësojnë normën mësimore javore vetëm me orë të profilit të diplomës që zotërojnë.

Nëndrejtori/nëndrejtorët ngarkohen për amzën dhe inventarin e shkollës.

Norma e vlerësimit të arritjeve

1. Drejtori i shkollës me 81-900 nxënës: 4 orë në javë (3 orë për vlerësim të cilësisë së procesit mësimor dhe 1 orë për dokumentacionin shkollor).

2. Drejtori i shkollës me mbi 900 nxënës: 3 orë në javë (2 orë për vlerësim të cilësisë së procesit mësimor dhe 1 orë për dokumentacionin shkollor).

3. Nëndrejtori i shkollës: 4 orë në javë (3 orë për vlerësim të cilësisë së procesit mësimor dhe 1 orë për dokumentacionin shkollor).

4. Nëndrejtori i shkollës me mbi 900 nxënës: 3 orë në javë (2 orë për vlerësim të cilësisë së procesit mësimor dhe 1 orë për dokumentacionin shkollor).

(Portali Shkollor)