Primo Shllaku, autori bashkëkohor shqiptar dhe përkthyesi i shquar, feston sot ditëlindjen

Primo Shllaku, autori dhe përkthyesi i shquar shqiptar, feston sot ditëlindjen. I lindur më 16 dhjetor 1947 në Shkodër, Shllaku ka kontribuar ndjeshëm në pasurimin e letërsisë shqipe dhe ripërkthimin e veprave të njohura botërore, si "Xha Gorio", "Metamorfoza" dhe "Katedralja Shën Mëria e Parisit".

Sot, më 16 dhjetor, Primo Shllaku, një nga autorët më të rëndësishëm të letërsisë shqipe bashkëkohore, feston ditëlindjen. Shllaku, i lindur në Shkodër më 16 dhjetor 1947, ka pasur një karrierë të shquar si shkrimtar dhe përkthyes, duke kontribuar ndjeshëm në pasurimin e letërsisë shqipe dhe në lidhjen e saj me tradita të rëndësishme letrare botërore.

Bashkëpunimi i tij me shtëpinë botuese Albas ka sjellë disa nga përkthimet më të njohura, duke mundësuar ripërkthimin e disa veprave madhore të letërsisë botërore në shqip. Disa nga titujt që ai ka ripërkthyer përfshijnë "Xha Gorioi" nga Honoré de Balzac, "Metamorfoza" nga Franz Kafka, "Lulet e së keqes" nga Charles Baudelaire, si dhe veprën e njohur të Victor Hugo, "Katedralja Shën Mëria e Parisit". Ky i fundit, përkthyer nga Shllaku, u vlerësua me një çmim të veçantë në Panairin e Librit “Tirana 2020” (në kohën e pandemisë së COVID-19): Ambasada Franceze e shpalli "Katedralja Shën Mëria e Parisit" si përkthimin më të mirë nga gjuha frënge, me motivacionin: “Përmes sfidës së ripërkthimit na risjell në shqip një vepër madhështore e kanonike; përmes një verbi elegant e të kërkuar dhe një regjistri të riaktualizuar për lexuesin shekullit të ri.”

Përmes punës së tij si autor dhe përkthyes, Primo Shllaku ka ndihmuar në zhvillimin e një lidhjeje të fortë mes letërsisë shqiptare dhe traditave letrare ndërkombëtare, duke sjellë vepra të rëndësishme dhe duke pasuruar fjalorin letrar të gjuhës shqipe.

Me këtë rast, stafi i Albas-i i uron autorit dhe përkthyesit Primo Shllaku një ditëlindje të mbushur me gëzim, shëndet dhe vazhdimësi suksesi në punën e tij të lavdërueshme!