Nxënësja Medea Koca për magjinë e librin "Ç’natë e Mrekullueshme"

Gjatë pushimeve dimërore, Medea Koca, nxënëse e klasës IX-D në shkollën “Kushtrimi i Lirisë” Durrës, zbuloi magjinë e librit “Ç’natë e mrekullueshme”. Ky libër përmbledh tetë rrëfenja festive nga autorë italianë, që sjellin emocione, mister dhe reflektime mbi Krishtlindjet. Një lexim i ngrohtë dhe frymëzues!

Ese nga Medea Koca

Klasa: IX – D, shkolla “Kushtrimi i Lirisë” në Durrës

Gjatë pushimeve të dimrit lexova një libër shumë të veçantë.

Zbulova magjinë e librit "Ç’natë e mrekullueshme"! Një histori plot aventura, emocione dhe personazhe që do t’ju mbeten në zemër.

"Ç'natë e mrekullueshme" është një përmbledhje me tetë rrëfenja për krishtlindjen. Këto tregime janë shkruar nga autorë të njohur italianë të letërsisë për fëmijë dhe fokusohen në tema të ndryshme që lidhen me festën e krishtlindjes.

Libri përmban rrëfenjat e mëposhtme:

• "Nata më e bukur" nga Mino Milani

• "Krishtlindja e Marli Blumit" nga Pierdomeniko Bakalario

• "Në majë të Kullës Eifel" nga Anxhela Naneti

• "Një dhuratë për Skip Makmuliganin" nga Alesandro Gati

• "Sekreti i Krishtlindjeve të shkuara" nga Elisa Puriçeli Guerra, etj

“Sekreti i Krishtlindjeve të shkuara” nga Elisa Puricelli Guerra është një nga tregimet e përfshira në librin “Ç’natë e mrekullueshme”. Kjo rrëfenjë përqendrohet te zbulimi i një sekreti që lidhet me Krishtlindjet e mëparshme, duke sjellë një histori plot emocione, mister dhe reflektime mbi kohën dhe kujtimet.

Ky tregim është i mbushur me ndjenja të forta dhe është një ftesë për lexuesit që të vlerësojnë momentet e thjeshta, por domethënëse të jetës. Gjithashtu, ai përçon një ndjenjë nostalgjie dhe na kujton se historia personale e çdo familjeje është një thesar që duhet ruajtur.

PSE IA VLEN TA LEXOSH KËTË LIBËR?

"Ç’natë e mrekullueshme" është një libër me tregime emocionuese që sjellin mesazhe mbi dashurinë familjare, bujarinë dhe magjinë e krishtlindjes. Shkruar nga autorë të njohur, ofron atmosferë festive dhe ndjenja të ngrohta për çdo moshë. Me ilustrime të bukura, është ideal për t’u ndarë me familjen ose si një dhuratë e veçantë gjatë festave.