Muzeu Historik, më i preferuari për të huajt

Për periudhën janar-shtator 2019 numri i vizitorëve në Muzeun Historik Kombëtar është rritur me afro 20% në krahasim me të njëjtën periudhë të vitit të kaluar. Pjesa më e madhe e tyre janë të huaj të cilët zgjedhin të vizitojnë ambientet e këtij Muzeu, ndërsa dhe arkëtimet kanë njohur rritje me mbi 18% në krahasim me një vit më parë.

Konkretisht, sipas të dhënave të publikuara, vetëm për periudhën janar-shtator 2019 regjistrohen 54 695 vizitorë në total në Muzeun Historik Kombëtar, ose 19,22 % më shumë vizitorë krahasuar me të njëjtën periudhë në vitin 2018. Plotë 37 878 vizitorë kanë qenë të huaj, duke e çuar në total rreth 40 % më shumë numrin e turistëve që kanë vizituar Muzeun në 7-mujorin e parë të vitit, krahasuar me të njëjtën periudhë në vitin 2018. Sa i takon të ardhurave, të dhënat flasin për 8.477.340 lekë të arkëtuara në Muzeun Historik Kombëtar gjatë 9 muajve të parë të këtij viti, ose 18,8 % më shumë të ardhura në total nga biletat në total krahasuar me të njëjtën periudhë në vitin 2018. Vetëm muaji shtator numëron 21,47 % më shumë vizitorë në total, 54,07% më shumë vizitorë të huaj dhe 28,2 % më shumë të ardhura në total.

( Marrë nga Kult Plus, Portali Shkollor)