Magjia e fundvitit vjen në Petrelë me "Christmas Market", më 22 dhjetor

Në datën 22 dhjetor, sheshi Mamica në Petrelë do të shndërrohet në një destinacion të vërtetë festiv, duke mirëpritur të gjithë ata që duan të përjetojnë atmosferën e ngrohtë dhe magjike të Krishtlindjeve. Aktiviteti, që nis në orën 10:30, do të ofrojë një ditë të mbushur me argëtim, kreativitet dhe momente të paharrueshme për fëmijët dhe prindërit.

Përveç muzikës festive, dekorimeve magjike dhe aktiviteteve krijuese, do të organizohet një stendë e veçantë me botimet e Shtëpisë Botuese Albas, duke sjellë një mini-panair librash. Ky kënd leximi dhe shfaqjeje të titujve më të rinj është i dedikuar për dashamirësit e librit, të vegjël e të rritur.

Marketi i Krishtlindjeve do të ofrojë produkte artizanale, ushqime festive dhe pije të ngrohta, duke krijuar një ambient të mrekullueshëm për të gjithë të pranishmit. Atmosfera do të gjallërohet nga performanca muzikore dhe surpriza të tjera që do të sjellin gëzim dhe harmoni në këtë fundvit.

Ejani të festojmë bashkërisht në këtë ditë të veçantë dhe të krijojmë kujtime që do t’i mbajmë gjatë në kujtesë!

Më poshtë gjeni ftesën dhe agjendën e këtij aktiviteti.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.