Poezi

"5 Maj"- poezi nga mësuesja Drita Topjana

Poezi me rastin e Ditës së Dëshmorëve të Atdheut, 5-Majit, nga mësuesja e ciklit fillor Drita Topjana, e cila ka pasion edhe të shkruarit e poezive.

Pyesin vogëlushët, 

se çfarë është 5 Maj?

Si t'ua shpjegoj,

trimërinë tuaj të rrallë?



5 Maj është një ditë e bekuar,

në Shqipëri për t'u përkujtuar,

sepse me mijëra yje u flijuan,

për ju, për ne, për liri e për atdhe.



Që ju të rriteni të lumtur, 

e të ndjeheni krenar.

Sa herë që nëpër botë,

ta përmendni, emrin shqiptarë.



Dhe bota sot na njeh nga bëmat e tyre,

si Skënderbeu, Qemali, 

Isa Boletini në Londër,

Fishta, Naimi, Çajupi e me radhë.



Edhe pse pa bukë e të rreckosur,

luftuan me nder e me dinjitet,

kurrë s'u përulën, para armikut,

dhe ja shpëtuan emrin Shqipërisë.



Autore: Drita Gjaci Topjana (05.05.2021) 

©Portali Shkollor- Të gjitha të drejtat e rezervuara. Ndalohet kopjimi pa lejen tonë.

3,424 Lexime
3 vjet më parë