Pedagogu Gent Rushi: E kemi Jazz-in në Shqipëri, në Universitetin e Arteve dyert janë të hapura

Ata që kanë dëshiruar dhe ëndërruar muzikën “jazz”, kenë pasur mundësinë edhe të studiojnë për të këtu në Shqipëri. 

Dega e Jazz-it ne Universitetin e Arteve është hapur prej një viti dhe tashmë studentët e saj po i gëzohen përmbylljes me sukses të vitit të parë të studimeve. 

Pedagogu i njohur, Gent Rushi me anë të një postimi në rrjetet sociale bën me dije suksesin e arritur me nxënësit e tij për studimet e muzikës jazz.  

“Për të gjithë muzikantët Shqiptar! Dikur nuk na lanë ta kishim. As ta dëgjonim, as ta luanim e jo më ta studionim. Tashmë pjesë e skenave botërore. Kjo është cv e Jazz-it në Shqipëri. Misioni po fillon të përmbushet. Për brezat e muzikantëve që i privuan nga çdo gjë, dhe për muzikantët e rinj që do të vijnë e kemi tani në Universiteti i Arteve, Tirane full time, degën e Jazz-it. Me këmbënguljen tonë dhe ndihmën e pakursyer dhe largpamësin e Prof Arben LLozi, Prof Isak Shehu. Provimi i parë 'Ear Training' studentët e parë Kristi Pasmaçiu piano, Llazar Toni Ifthimiu bass, Teoman Ukqa drums. Me pedagogët e parë Gent Rushi, Emiljan Dhimo Andi Kongo Angjelin Toma. Ju them të gjithëve e kemi Jazz-in në Shqipëri. Shkolla i ka dyert e hapura!” shkruan ai në postimin e tij.

© Portali Shkollor- Të gjitha të drejtat e rezervuara. Ndalohet kopjimi pa lejen tonë.