Festat e Nëntorit, format që zgjodhën nxënësit për të treguar dashurinë ndaj atdheut të tyre

Nxënës dhe mësues nga shkolla të ndryshme kanë realizuar aktivitete të ndryshme në kuadër të festave të nëntorit. Nëpërmjet krijimeve të tyre në poezi, pikturave, muzikës, veshjeve tradicionale, ata dëshmuan krenarinë që ndjejnë ndaj atdheut. Nxënësit janë treguar mjaft të përkushtuar, duke i realizuar në mënyrën më të mirë të mundshme krijimet e tyre. Ju prezantojmë këtë ditë aktiviteti të shtrirë në disa shkolla.

Shkolla "Halit Berzeshta" Përrenjas. Punoi nxënësi Adriano Leka.

Një festë plot ndjenjë dedikuar 75-vjetorit të Çlirimit të Shqipërisë. Nxënësit e klasës së pestë C me mësuese Marsida Mezja në shkollën 9-të vjeçare "Bajram Curri" Plazh Durrës. Një super festë!!

Ne kuadër të festave të 28-29 Nëntorit dhe në prag të jubileut të 75 Vjetorit te Çlirimit të Atdheut, nxënësit e shkollës jopublike "Goja e Artë" organizuan se bashku veprimtarinë me temë: "Gëzuar festat Shqipëria jonë!"

Dy nxënëset Gloria Kristo dhe Matilda Balili zgjedhin krijim letrar për këtë ditë.

Në nëntor një fjalë lirie

Në nëntor një fjalë lirie

Ndezi zjarrin çlirimtar

Nuk durohej më pushtimi

Ç'mbahej shpirti djaloshar.

Ndaj nëntorët sa herë vijnë

vijnë dhe trimërinë zgjojnë

Ata deshën veçlirinë

Jetën që ne sot gëzojmë

Dhe krenarë të gjithë ne jemi

Zot të kësaj toke dolëm

ne nuk heshtëm para tyre.

Porsi trima pushkën zgjodhëm

Ndaj sot të gjithë festojme

Këtë 75-vjetor të paharruar

Gjaku që ju derdhët për atdheun

Kurrë s'ka për t'u harruar.

(Gloria Kristo)

Nimetë Progonati

Vajzë e parritur

Ikui për Shqipërinë

Dëshmore doli ajo

Por dëshmore fëmijë

Patriote e dashur

Dëshmore e Tepelenës

Ishte fëmijë

U bë luftëtare me emër

Sot ne krenohemi

Me emrin tënd

Nimete Progonati

Njihet në çdo vend.

(Matilda Balili)

Në shkollën "5 Dëshmorët" Ksamil, një tjetër aktivitet. Titulli i veprimtarisë: "Krenar që jam Shqiptar"

Shkolla e Mesme e Bashkuar "Isak Alla" Zgosht, Librazhd. Simbolika e luftës Nacional-Çlirimtare dhe sakrifica e përkushtimi i partizanëve për çlirimin e atdheut nga pushtuesit Nazi-Fashistë, është pasqyruar me disa punime nga nxënësit: Emanuela Qoshi, Adriana Tusku, Donika Qoshi dhe Julian Alla.