Bursa studimi universitare dhe pasuniversitare në Sllovaki

Në kuadër të bashkëpunimit dypalësh me Sllovakinë në fushën e arsimit, Qeveria e Republikës së Sllovakisë ofron 1 (një) bursë për studime universitare/ pasuniversitare në nivelin bachelor/master dhe 1 (një) bursë studimi për doktoratë (PhD) për shtetas shqiptarë, të cilët dëshirojnë të studiojnë në institucionet publike të arsimit të lartë të Republikës së Sllovakisë për vitin akademik 2018-2019 sipas programeve të studimit në vijim:

1. Trajnimi i mësuesve dhe shkencat e edukimit;

2. Biznes dhe administrim;

3. Ekologji dhe shkenca mjedisore;

4. Arkitekturë dhe inxhinieri;

5. Inxhinieri ndërtimi, teknologji, manifakturë dhe komunikim;

6. Bujqësi;

7. Pylltari;

8. Menaxhimi i burimeve ujore.

Kandidatët e interesuar për këto bursa studimi duhet të dërgojnë me postë deri më datë 23.04.2018 në Drejtorinë e Integrimit, Koordinimit, Marrëveshjeve dhe Asistencës në Ministrinë e Arsimit Sportit dhe Rinisë, dokumentet e mëposhtme:

Për studime universitare bachelor:

1. Kërkesën për studime universitare, duke specifikuar degën në të cilën kandidati dëshiron të

studiojë. Kërkesa të jetë e nënshkruar nga kandidati dhe të përmbajë adresë e-mail dhe numër

kontakti;

2. Vërtetimin e notave për tre vitet e shkollës së mesme. Ky vërtetim duhet të jetë i firmosur nga

Drejtoria Rajonale/Zyra Arsimore e rrethit përkatës dhe nga Ministria e Arsimit dhe Sportit;

3. Fotokopjen e faqes se pasaportës me të dhënat e identitetit;

4. Raportin mjekësor për aftësi studimi;

5. 4 (Katër) fotografi dokumenti

Për studime pasuniversitare Master:

1. Kërkesën për studime pasuniversitare, duke specifikuar degën në të cilën kandidati dëshiron të

studiojë. Kërkesa të jetë e nënshkruar nga kandidati dhe të përmbajë adresë e-mail dhe numër

kontakti;

2. Fotokopjen e noterizuar të diplomës së shkollës së lartë dhe listën e notave;

3. CV-në, në të cilën të pasqyrohen të dhëna për nivelet e studimit dhe të dhëna të tjera për

punësimin nëse ka;

4. Dy letra rekomandimi;

5. Programin e studimit;

6. Raportin mjekësor për aftësi studimi;

7. Fotokopjen e faqes se pasaportës me të dhënat e identitetit; 

8. 4 fotografi dokumenti.

Për studime pasuniversitare në doktoratë (PhD):

1. Kërkesën për studime pasuniversitare ne PhD, duke specifikuar fushën e studimit Kërkesa të

jetë e nënshkruar nga kandidati dhe të përmbajë adresë e-mail dhe numër kontakti;

2. CV-në, në të cilën të pasqyrohen të dhëna për nivelet e studimit dhe të dhëna të tjera për

punësimin nëse ka;

3. Kopjet e noterizuara të diplomave ose të dokumenteve të ngjashëm që vërtetojnë mbarimin e

programeve të studimit të nivelit të parë (bachelor) dhe të nivelit të dytë (master);

4. Kopjen e noterizuar të Suplementit të Diplomës Master, si dhe të listës së notave përkatëse;

5. Listën e botimeve të artikujve të ndryshëm (nëse ka);

6. Temën e kërkimit mbi të cilën mendohet të mbahet disertacioni (3-5 faqe);

7. Dy letra rekomandimi nga profesorë të institucioneve akademike;

8. Certifikata për kualifikime të ndryshme apo për veprimtari kërkimore;

9. Raportin mjekësor për aftësi studimi;

10. Fotokopjen e faqes se pasaportës me të dhënat e identitetit;

11. 4 fotografi dokumenti.

Kandidatët e përzgjedhur do t’i nënshtrohen vitit përgatitor të gjuhës sllovake, i cili fillon në shtator të vitit 2018. Informacion i detajuar për kursin e gjuhës sllovake gjendet në faqen: www.cdvuk.sk. Kushtet për përfitimin e bursës, përshkrimin e detajuar të degëve studimore, si dhe informacione të tjera gjenden në faqen e internetit të Ministrisë së Arsimit të Republikës së Sllovakisë: www.minedu.sk;

http://www.minedu.sk/scholarships-of-the-government-of-the-slovak-republic/

(Portali Shkollor)