Për një lëkurë të shëndetshme dhe të mbrojtur gjatë stinës së verës

Gjatë stinës së verës lëkura është e predispozuar të përthithë shumë rreze. Jo të gjitha rrezet janë të shëndetshme, ndaj duhet të ruhemi prej tyre. Ju sjellim disa këshilla për një lëkurë të shëndetshme. Një fakt i tillë ndikon sidomos tek fëmijët e vegjël të cilët kanë një lëkurë më delikate.

1. Përdorimi i filtrave diellor me faktor mbrojtje më të lartë se 15. Mjafton një faktor mesatar në të shumtën e rasteve. Kremi mbrojtës 50+ mbron vetëm 5% më shumë se kremi me faktor mbrojtje 30. E rëndësishme në rastin e fëmijëve ose të personave me lëkurë të çelët është të mos zbresin kurrë poshtë faktorit 15.

2. Vendosni kremin e diellit përpara se të dilni nga shtëpia që në mëngjes dhe të vendoset sërish çdo dy orë, sidomos pasi keni dalë nga uji i detit. Mbrojtja zhduket nga lëkura mënjëherë pas dy orëve.

3. Duhet të shmangni ekspozimin kur rrezatimi është në kulmin e tij, sidomos tek fëmijët e vegjël. Në mëngjes dielli ndryshe nga mesdita ka më pak rreze me UVB, rreze të cilat djegin lëkurën dhe me kalimin e kohës shkaktojnë tumore. I vetmi avantazh është të përpiqeni të ruani veten nga dielli. Megjithatë nuk mjafton të qëndroni në hije, pasi rrezet e diellit reflektohen edhe nga rëra apo nga uji, kështu që vetëm duke qëndruar poshtë çadrës mund të përthithim rreth 50% të këtyre rrezeve. Kini kujdes edhe nga ditët me re, pasi rrezet ja dalin të filtrohen dhe të arrijnë në lëkurën tuaj. Gjithashtu kujtoni se djegiet nga dielli nuk i merrni vetëm në plazh, por kudo.

4. Thahuni mirë pasi keni dal nga uji. Efekti “pasqyrë” i pikave të ujit e ul kapacitetin e kremërave mbrojtës, madje edhe atyre rezistent ndaj ujit.

5. Shikoni skandencën e kremrave. Mos e përdorni kremin nëse keni 12 muaj që e keni blerë.

6. Mbani kapele, pasi mbroni fytyrën tuaj në një përqindje të lartë.

7. Ushqehuni shëndetshëm, nëse kërkoni të fitoni një ngjyrë të bukur.