![](http://www.portalishkollor.al/upload/media/entries/2024-06/04/7464-0-93cad90164445177107b5935e1862499.jpg)
Datat e provimeve të lirimit për vitin shkollor 2023-2024
Provimi i parë i lirimit që do të nënshtrohen nxënësit që përmbyllin këtë vit arsimin bazë do të jetë gjuha shqipe më 20 qershor, duke u pasuar nga matematika më 25 qershor dhe provimi i fundit do të jetë ai i gjuhës së huaj më 28 qershor.
Ministria e Arsimit ka publikuar udhëzimin që përcakton datat se kur do të mbahen provimet kombëtare të klasave të 9-ta.
Provimi i parë që do të nënshtrohen nxënësit që përmbyllin këtë vit arsimin bazë do të jetë gjuha shqipe më 20 qershor, duke u pasuar nga matematika më 25 qershor dhe provimi i fundit do të jetë ai i gjuhës së huaj më 28 qershor.
Por këtë vit ndryshe nga gjithë vitet e tjera Ministria e Arsimit ka publikuar edhe testet provë, ku nxënësit nëpërmjet tyre mund të testojnë njohuritë që kanë marrë në të 9-ta klasat.
Nëpërmjet këtyre testeve model mësuesve do t’u jepet mundësia të drejtojnë dhe t’i përqendrojnë nxënësit më shumë tek ato tema ku hasin vështirësi dhe kanë më shumë boshllëqe. Provimet e lirimit do të përmbajnë mbi 20 pyetje me alternativa dhe zhvillim, me qëllim për të matur aftësitë interpretuese, argumentuese dhe krahasuese të nxënësve.
Struktura e tezës është menduar të jetë e njëjta me atë të një viti më parë dhe parashikohet që hartuesit të ndërtojnë një test të një niveli mesatar vështirësie.
Më poshtë gjeni udhëzimin për provimet e lirimit
©Portali Shkollor- Të gjitha të drejtat e rezervuara. Ndalohet kopjimi pa lejen tonë.
Dispozitat normative për sistemin arsimor parauniversitar
Procedurat e lëvizjes paralele, emërimet dhe largimet nga puna të mësuesit
Udhëzues për zhvillimin e kurrikulës së re në arsimin fillor